Taian Areru 32:11 - Te B'aib'ara

¹¹ Kam na kukurei ma ni kakatonga, ngkami akana kam raoiroi, i bukini baika E a tia ni karaoi te UEA. Ao takaakaa ni kakatonga, ngkami akana kam ongeaba i rouna!

Taian Areru 32:11 ပူးပေါင်းရင်းမြစ်များ

Taian Areru 125:4

Te UEA, Ko na kakab'aiaia akana raoiroi, akana ongeaba nakon am Tua.

Taian Areru 32:2

E a kab'aia te aomata ane aki kabuakakaaki iroun te UEA, Ane akea naba te aro ni m'am'anaa te aba i rouna.

Taian Areru 33:1

Ngkami akana kam raoiroi, kam na kim'areirei i bukini baika E a tia ni karaoi te UEA; neboia, ngkami aika kam ongeaba i rouna.

Taian Areru 5:11

Akana a biri nakoim i bukin katanaia; ke a anene ni kim'areirei n taai nako. Kataniia akana a tangiriko raoi ni koaua; ao kakim'areireia.

Taian Areru 64:10

A na kukurei aomata akana raoiroi, i bukini baike E a tia te Atua ni karaoi. A na kawakinaki raoi i rouna; A na bane aomata akana raoiroi n neboia.

Taian Areru 68:3

Ma a kukurei ao a kakatonga akana raoiroi i matan te Atua; A kukurei ao a kaonaki n te kim'areirei ae bati.

Taian Areru 7:10

Ngkoe, te Atua, bon otangau, ao kamanoaia aomata ni kabane ake a raraoi nanoia.

Taian Areru 97:1

E uea te UEA; e na kukurei aonnaba! A na kim'areirei abam'akoro aika bati!

Taian Areru 97:12

Ngkami akana kam raoiroi ni kabane, kam na kukurei i bukini baika E a tia ni karaoi te UEA! Kam na ururing baike E a tia ni karaoi te Atua are tabu, ao katituaraoia.

Taian Areru 98:4

Aomata ni kabane i aonnaba, kam na anene ni kakatonga nakon te UEA; Kam na neboia n ami anene ma b'anaami ni kim'areirei!

Tekaria 4:7

Terub'abera, e na kaboraoaki ma te tano te maunga ane i matam. Ao i mwiina, ko na kaotinakoi atiibun te tembora aika a kakaawaki ma n takaarua ni kaangai, “E a tia n rangi n akoi te Atua.”

I-Rom 5:11

Ao tiaki ti ngaia, ma ti kakatonga iroun te Atua i nanon ara UEA are Iesu Kristo, are ti karekea mai Rouna raoiakinara ngkai.

Te Tua-Kaua 12:12

ngkami ma ami utu, ao ami toro, ao kam na bootaki n te tabo n taromauri, b'a E a tia te UEA ae Atuami n anganingkami te totokanikai ni b'aai ni kabane aika kam a tia ni karaoi.

I-Biribi 3:1

Te kabane ngkanne, tariu, kam na kim'areirei ngkai kam katiteuanaki ma te UEA. Tiaki te bae kakua i rou te kaoki taekani baike I a tia ni koroi, ma e bongana i bukimi.

I-Biribi 3:3

B'a boni ngaira ma ngkami kaain te korotabonim'aneaki ni koaua, aika ti taromauria te Atua iroun Tamneina, ma ni kamoamoa irouni Kristo Iesu, ao ti aki onimakina te rab'ata,

I-Biribi 4:4

Kam na kim'areirei ngkai kam reitaki ma te UEA n taai nako; ao N na manga atonga riki ae kaangai, Kam na kim'areirei.

1.Tamuera 2:1

Ao e tataro Nei Anna: Ko kakorakoraai ma ni kakukureiai, te UEA Ko kamaiuai. Ao ngkai I kim'areirei ao I ngareakiniia au kairiribai.