Taian Areru 32:10 - Te B'aib'ara

¹⁰ Ane a na taonaki n te rawaawata aomata akana buakaka; Ma a na kawakinaki raoi akana onimakina te UEA n ana tangira ae teimatoa.

Taian Areru 32:10 ပူးပေါင်းရင်းမြစ်များ

Taian Areru 11:6

E na kab'aka te ai ma te bubu n ai ae korakora i aoia ake a bubuaka; ao E na katuuaia n te ang ae kabuebue.

Taian Areru 140:11

Kakionakoia taani kewe aikai! Ke a kam'aneaki ni kab'akaaki n taiani kaangaanga.

Taian Areru 146:5

E a kab'aia te aomata ae onimakina Atuan Iakob'a b'a buokana, ae e mwiokoa maiuna i nanoni bain te UEA ae Atuana,

Taian Areru 147:11

Ma E anaaki nanona irouia akana karinea, akana onimakina ana Tangira ae Teimatoa.

Taian Areru 16:4

Ma uake a taromauriia riki anti tabeman ana bon kabatiaki rawawataia N na bon aki ira buakon aia angakarea; N na bon aki taromauriia atuaia.

Taian Areru 2:12

Kaota karinean natina b'a ngkana kam aki, ao E na un iai, ao E na kamaunaingkami. Ma E na kakab'aiaia ni kabane akana a biri nakoina.

Taian Areru 34:8

Kataia ni kunea i bon iroum aron raoiroin te UEA. E a kab'aia te aomata ae nakoina i bukini kamanoana.

Taian Areru 40:4

A kab'aia akana onimakina te UEA, ake aki rairaki nakon bouannanti ke n raoniia akana taromaurii anti aika kewe.

Taian Areru 5:12

Ara UEA, Ko na kakab'aiaia akana a ongotaeka iroum, a kamanoaki n am Tangira kaanga te otanga.

Taian Areru 84:12

Te UEA ae Moan te M'aaka, a kab'aia akana onimakiniko!

Taeka n Rabakau 13:21

Kam ukoukora te kangaanga ngkana kam bure, ma kam na anganaki kaniwangami ngkana kam maiuakina te raoiroi.

Taeka n Rabakau 16:20

Ngkana kam ataa te b'ai ae kam karaoia, e na mari maium. E kakab'aiaia aomata nako te Atua aika a onimakinna

Te Minita 8:12

A karaoi buure aika tebubua m'aitiia, ao a maiu ni karokoa karaia, ao a aki reke n te taeka n rabakau are e kaangai: A na teetekeraoi aomata nako aika a maiuakina te raoiroi ao a karinea te Atua,

Itaia 3:11

Tuangiia aomata ake a aki ongotaeka iroun te Atua ni kaangai, “Kam a reke n te kaangaanga ae moan te buubura E na manga riki nakoimi te b'ai are kam a tia ni karaoia nakoia tabem'aang.”

Itaia 57:21

Ma I a tia ni berita Ngai ae te UEA b'a bon akea temanna ae e buakaka ae na maiu n te rau.

1.Timoteo 6:10

B'a te baki-tianti boni ngaia ae a nako mai iai aaro nako aika buakaka. Iai tabem'aang aika rangi ni baki-tianti n te aro are a kitana iai te onimaki, ao a uruaki nanoia n te aro ae a rawawata iai.