Taian Areru 31:24 - Te B'aib'ara

²⁴ Kam na korakora ao kam na ninikoria, ngkami ni kabaneingkami akana kam kaantaninga te UEA.

Taian Areru 31:24 ပူးပေါင်းရင်းမြစ်များ

2.Rongorongo 34:31

Ngke e bane ana wareware Iotia, ao e tei n te tabo are nneia uea. E berita n aran te UEA b'a e na kakaonimaki n ongotaeka iroun te UEA ma iri ana tua ao ana reirei ake a koreaki i nanon te boki.

Etita 6:10

Ao e taku te uea nakon Aaman, Kawaekoako anai niiniira ni b'aakuaku ma te aoti, ao katauraoi baikanne i bukin Moretekai are te I-Iutaia. Karaoi b'aai ni kabane nakoina n aron are ko a tia n taekinna. Naako nooria i mataroan te bareti.

Taian Areru 138:3

Ngke I weteiko, ao Ko ongo irou; Ko kakorakoraai ni korakoram.

Taian Areru 146:5

E a kab'aia te aomata ae onimakina Atuan Iakob'a b'a buokana, ae e mwiokoa maiuna i nanoni bain te UEA ae Atuana,

Taian Areru 27:14

Ko na kaantaninga te UEA, Ko na korakora ma n ninikoria; Ko na kaantaninga te UEA.

Taian Areru 29:11

E kakorakoraia ana Aomata te UEA, ao E kakab'aiaia n te raoi.

Te Tua-Kaua 6:5

Ma ngaia are, kam na tangira te UEA ae Atuara ma nanomi ni kabane, tamneimi ni kabane, ao korakorami ni kabane.

I-Korote 1:11

ngkai kam kakorakoraki n te kakorakora ni kabanea, are nako mani m'aakana ae kamimii, b'a e aonga n reke i roumi te nanom'aka ni kabanea ma te taotaonaki n nano ma te kim'areirei;

1.Betero 1:21

ngkami akana kam onimakina te Atua i rouna, ae E a manga kamaiua mai buakoia maate, ao E anganna te neboaki; b'a a aonga n tiku ami onimaki ma ami kaantaninga iroun te Atua.