Taian Areru 31:19 - Te B'aib'ara

¹⁹ Ai kamimiira baika raraoi ake Ko kakawakin i bukiia ake a karineko! A bane aomata nako n ataiko b'a Ko raoiroi, Ao a ataa naba ae a mano raoi i Roum akana onimakiniko.

Taian Areru 31:19 ပူးပေါင်းရင်းမြစ်များ

Taian Areru 12:5

E kaangai te UEA, “N na teirake ngkai, b'a a karawaawataaki kainano ao a maraki taani b'ainikiriinaki. N na anganiia kamanoaia are a kaman tatangitangiria.”

Taian Areru 16:11

Ko na kaota nako iu te kawai are e nakon te maiu; E kaonai n te kukurei rokom ao e anganai te kakatonga n aki toki.

Taian Areru 23:5

Ko katauraoa te baka ae ab'ab'aki ibuku ike a na norai iai taan ribaai. Ko butim'aeai b'a kanga te iruwa ngai ao ko kaona au m'angko ni karokoa e taonako.

Taian Areru 68:28

Te Atua, Ko na kaota m'aakam, are m'aakam are Ko kamanena i bukira

Taian Areru 73:1

E koaua ae e raoiroi te Atua nakoia Iteraera, nakoia ake a itiaki nanoia.

Itaia 26:12

Ko na anganiira te rau i bukina ngkai ti a tia ni karaoi ni m'aakam.

Itaia 35:10

A na oki ma te anene aomata aika e a tia te UEA ni kamaiuia ngkana a rin i Tion. E na riki te kukurei b'a aia bau ni uea ae a na baunna n aki toki. A na bukamaruia ao a na takaarua b'a a nako ni kabane rawawataia ma raraomaia.

Itaia 64:4

Bon ti ngkoe te Atua ae e tuai man nooraki ke n ongongo taekana ae e karaoi taiani kakai i bukiia taani ri mwiina.

Warekaia Iteraera 23:23

Bon akea te tabunea teuana ae kona n totokoia. Bon noora te b'ai ae E a tia ni karaoia te Atua nakoia Ana aomata.

Ioane 3:21

Ma ane b'aina te koaua ao e nako n te oota, b'a a na kaotaki ana m'akuri b'a a karaoaki ma te ongeaba nakon te Atua.

M'akuri 15:12

A bane n aki karongoa aomata ngke a ongora irouni B'arenaba ma B'auro, ngke a karakin taekani kanikina ma m'akuri aika kamimii ake E karaoi te Atua i rouia i buakoia aomata aika tiaki I-Iutaia.

I-Rom 11:22

Ko nora ngkanne aron ana ataataiaomata te Atua ao arona ni matoatoa: E matoatoa nakoia ake a tia ni b'aka, ma E ataataiaomata nakoimi, ngkana kam teimatoa n onimakina arona nakoimi. Ma ngkana kam aki, ao ane kam na koreaki ni kaakaki.

1.I-Korinto 2:9

Ma e a tia taekana n ai aron are koreaki ni kangai: “Baike e tuai n nori te mata, ao e tuai n ongo te taninga, ao e tuai n reke n ana iango te aomata, boni ngaai baike E katauraoi te Atua i bukiia ake a tangiria!”

2.I-Korinto 5:5

Ao Teuare katauraoira nakon te oneaki aei bon te Atua, are anganira te Tamnei b'a kakoauan te oneaki aei b'a e na bon riki.

Ebera 10:34

B'a kam uaia ni maraki ma ake a kabureaki, ao ngke kam kurib'aiaki ao kam kataua ma te kukurei, ngkai kam ataia b'a bon iai ami b'ai aika raraoi riki aika aki mauna i karawa.

Iakobo 2:5

Tariu aika kam tangiraki, kam na ongora: tiaki E rineia akana aki kaub'ai ni b'ain aon te aba te Atua b'a a na kau-onimaki, ao a na riki b'a taan abaaba n ueana are E atongnga n te taeka n akoi nakoia ake a tangiria?