Taian Areru 31:18 - Te B'aib'ara

¹⁸ Kaini wiia taani kewekewe, ake a taetae ni kainikatonga n taku b'a akea manenaia aomata aika raoiroi.

Taian Areru 31:18 ပူးပေါင်းရင်းမြစ်များ

2.Rongorongo 32:16

A taekini baika a bubuaka ana mataniwi mai Aturia nakon te UEA ae te Atua, ao nakon naba ana toro are Etekia.

Taian Areru 12:3

Te UEA, katokiia aomata man aia taetae ni karang, Ao kaini wii ake a taetae ni kainikatonga, ake a kaangai,

Taian Areru 120:2

“Te UEA, kamaiuai mairouia taani kewe ma taani m'am'anaa te aba.”

Taian Areru 25:3

A aki kona ni konaaki akana onimakiniko irouia aiaia; ma ti te koraki ake akea nanoia b'a ti te kan ekiko nako.

Taian Areru 59:12

A bure n aia taeka ni kabane: Ke a m'ane n aia kainikatonga. Ao i bukin aia karereanti ma kewekewe,

Taian Areru 63:11

Ma e na kim'areirei te uea iroun te Atua; Ao a na kamoamoaa akana taetae n tuea n arana; Ma a na kainaki wiia akana atoatonga te kewe.

Taian Areru 94:4

Ai ti maanraa aia tai akana iowawa ni kainikatonga ma ni kamoamoaia?

Taeka n Rabakau 12:19

Bon akea tokin te koaua, a na bon waekoa n ataaki taiani kewe.

Itaia 54:17

A na aki nakoraoi taiani b'ainibuaka akana a karaoaki i bukin buakanakimi; ao a na aki konaa ni kamarakingkami taian taeka akana a ekinakoingkami. Bon am b'ai au tia m'akuri are Ierutarem! I berita Ngai ae te UEA b'a N na kakab'aiako n te tokanikai.

Mataio 10:25

E na rau nanon ane reireiaki ngkana e reke i rouna katotongan aron ana tia reirei, ao ai aron naba te toro ngkana e reke i rouna katotongan aron ana toka. Ngkana a atonga mataniwin te utu aomata b'a Beretebub'a, ao ai bati ra riki irouia atongaia kaain ana utu n aara aika bubuaka riki!

Mataio 12:24

Ma ngke a ongo B'aritaio, ao a taku, “E kanakoia taimonio Teuaei ti ni m'aakan Beretebub'a are aia uea taimonio.”

Ioane 8:44

Natin tamami are te riaboro ngkami, ao nanomi ti te kani karaoa are e tangiria tamami. Te tia kamaamate ngaia ma rimoa, ao e aki b'ab'aina te koaua, b'a akea te koaua i nanona. Ngkana e kewe, ao e boni kaota anuana: b'a te tia kewe ngaia, ao boton te kewe.

Ioane 8:48

A kaeka I-Iutaia ao a taku nakon Iesu, “Tiaki b'a e eti ara taeka ngke ti taku b'a te I-Tamaria Ngkoe, ao iai iroum te taimonio?”

M'akuri 25:7

Ao ngke e roko B'auro, ao a tei i rarikina I-Iutaia ake a roko mai Ierutarem ni kaoti ana bure aika bati ma n rawawata, aika a aki konai ni kakoauai.

Iuta 1:15

b'a E na motiki taekaia aomata ni kabaneia, ni kabuakakaia ni kabaneia akana aki reitaki ni maiuia ma te Atua, i bukin aia m'akuri ni kabane aika akea karinean te Atua iai, ake a tia ni karaoi n aki reitaki ma ana kaantaninga te Atua, ao i bukin taeka ni kamaraki nano aika a bukinna iai taani bure aika aki reitaki ma te Atua ni maiuia!”

Te Kaotioti 21:8

Ma te koraki akana kimamaaku, ma akana aki onimaki, ma akana riai ni bati n ribaki, ma taani kamateia aomata, ma taani wene ni bure, ma taan tabunea, ma taan taromauri bouananti, ma taani kewekewe, a na reke tib'angaia n te nama are e ura iai te ai ma te burimton, are te mate are te kauoua.”

Te Kaotioti 22:15

Taani mena i tinanikun te nono bon te koraki aika baba n tangira te kammaira ma te wene ni bure; ao raoia bon taan tabunea, ma taani kamateia aomata, ma taan taromauri bouananti, ma akana tatangira taekinan te kewe ma karaoana naba.

1.Tamuera 2:3

I kona n tuangiia aomata aika kamoamoa ni kaangai, “Katoka ami kamoamoa! Bon akea te b'ai teuana ae raba mairoun te UEA, ao e baairei baika ti karaoi.”