Taian Areru 30:6 - Te B'aib'ara

⁶ I namakina te rau raoi, Ao I kaangai i nanou, Akea ae kona ni konaa aou.

Taian Areru 30:6 ပူးပေါင်းရင်းမြစ်များ

Taian Areru 10:6

E taku n ana iango, “E nene ni matoatoa au waaki! N na teimatoa n tiitiku n rau raoi n arou aio.”

Taian Areru 119:117

Kawakinai raoi man te kabuanib'ai, ao N na mutiakin am Tua n aki toki.

Taian Areru 126:6

Te koraki ake a tang ngke a oti nako n uoti koraan aroka, a manga oki n anene ni kakatonga ma uotaia uaan mwin aia ununiki.

Taian Areru 15:5

A karaoi aia katangom'ane n akea aia bakao ia, man aki karaoi aia babakanikawai iai ni karawawataia aika aki ataib'ai. Uake a karaoi baikai ni kabane ana bon tei n nene.

Taian Areru 16:8

I tangira te UEA b'a E na mena i rarikiu n taai nako; E kaan i rarikiu, ao akea te b'ai teuana ae e konaa ni ioioai.

Itaia 47:7

Ko taku n am iango ko na riki b'a te ueanaine n aki toki. Ko aki tabe ma te b'ai ae ko a tia ni karaoia; ko bon aki roko n te uringnga ae ko na manga m'ane.

Itaia 54:7

I katinanikuingkami ngkoa, ma ngkai I a manga rab'atiko naba n au tangira ao nanou.

Itaia 56:12

Kam taku i bon iroumi, “Ti na mooi ni karokoa ti a manging! Ao ti na manga karaoia nakon te ingabong. Ti na bon kakukureira.”

Taniera 4:30

ao e taku, “Nooria, ai korakorara B'aburon. I kateia b'a au kaawa ae atuun au tautaeka b'a kaotan korakorau ma m'aakau, ma mimitongiu, ao kakannatou.”

Ruka 12:19

Ao N na kangai nako iu, ‘Nao, a bati am b'ai aika kawakinaki i bukin ririki aika na roko; aoriko am'arake, mooi, ao kim'areirei.’ ”

2.I-Korinto 12:7

Ao i bukini kaotioti aika kamimii aroia ake I nori. Ma ngaia aei, i bukina b'a I kawa n rangi ni kamoamoaai, ao I a anganaki te bae e maraki iai rab'atau, are e m'akuri b'a ana anera Tatan i bukin oreau ao tukau b'a N na aki rangi ni kamoamoa.