Taian Areru 30:2 - Te B'aib'ara

² Te UEA ae Atuau, I tangira buokau mairoum, ao Ko katoka aorakiu.

Taian Areru 30:2 ပူးပေါင်းရင်းမြစ်များ

Karikani B'aai 20:17

Ao te UEA, E karaoia ainen ana bareti te uea b'a a na aki kakariki i bukin te b'ai are e riki nakon Nei Taara are buun Aberaam.

2.Uea 20:5

ao E kaokia te UEA nakon Etekia ma te rongorongo ae kaangai: Etekia, bon Au tia tautaeka ngkoe i aoia au Aomata, ao boni Ngai te UEA ae te Atua, are E taromauriaki iroun am bakatibu are Tawita. I ongo am tataro, ao I nooriko ngke ko tang. N na boni kamarurungko, b'a ko aonga ni konaa ni manga taromauriai n au Tembora i mwiin tenibong mangkai.

Taian Areru 118:18

E a tia ni karaoa ae N na rangi ni karawaawataaki iai, Ma E aki anga ngai nakon te mate.

Taian Areru 145:1

N na neboiko, Atuau, ae te Uea; N na kamoamoako n aki tootoki.

Taian Areru 147:3

E kamaiuia akana uruaki nanoia, ao E kabae ikoakiia.

Taian Areru 35:24

Te UEA ae Atuau, kaeta taekau n ai aron am raoiroi, ao a na aki ngareakinai aiau.

Taian Areru 41:12

Ko buokai i bukin ongeabau nako Im, Ao Ko na katukai i rarikim n taai nako.

Taian Areru 51:8

Kaongoraeai ni b'anaan te kim'areirei ma te kukurei; e ngae ngke Ko karawawataai, Ma N na boni manga kim'areirei.

Taian Areru 6:2

Te UEA, Ko na nanoangaai; b'a I a nrairai. Ko na kamaiuai, b'a I rangi ni mamaara.

Taian Areru 88:13

Te UEA, I weteiko i bukini buokau; I tataro nakoim ni katoa ingabong.

Te Otinako 15:26

Ao E taku, “Ngkana kam na ongotaeka i Rou ni karaoi b'aai ni kabane ake I taku b'a a raoiroi, ao ni kaawakin au babaire, ao N na bon aki katuaaingkami n taian aoraki ake I karokoi ngkoa i aoia kaain Aikubita. Bon te UEA Ngai ae I kamaiungkami.”