Taian Areru 3:8 - Te B'aib'ara

⁸ b'a Ko tararuaia am Aomata ma ni kakab'aiaia.

Taian Areru 3:8 ပူးပေါင်းရင်းမြစ်များ

2.Tamuera 23:12

ma e tei Tiamma i nuukan te tawaana n tiringiia kaain Biritia. A aki mate taian aroka, ao E anga te tokanikai ae e korakora te UEA nakoia Iteraera.

Taian Areru 119:94

Bon am B'ai ngai-kamaiuai! b'a I a tia ni kekeiaki n ongeaba nakon am Taeka.

Taian Areru 29:11

E kakorakoraia ana Aomata te UEA, ao E kakab'aiaia n te raoi.

Taian Areru 31:16

Taraai, ngai ae am Toro, ma moam n akoi; Kamaiuai n am Tangira ae Teimatoa.

Taian Areru 58:7

A bia mauna nako n ai aron te ran ae raanga nako; A bia kamanatuaki n ai aroia uteute aika mena i nanon te kawai.

Taian Areru 72:17

E bia ururingaki arana n aki toki; E bia teimatoa ataakin arona kanga ai aron teimatoan taai. A bia butia te Atua botannaomata nako b'a E na kakab'aiaia, n ai arona ngke E a tia kakab'aia te uea.

Taian Areru 9:20

Te UEA, Ko na kakamakuia botannaomata; ao kaotai nanoia b'a a aonga n ataia ae bon aomata aika a mamaara ngaiia.

Taeka n Rabakau 21:31

E bon teimatoa n tokanikai te UEA, e ngae ngkana iai aia aoti ami taanga ni buaka aika a tauraoi nakon te buaka.

Itaia 43:11

Bon ti te Atua Ngai; bon ti Ngai ae I konaa ni kamaiuko.

Ieremia 3:23

Ti taromaurii bouannanti i aon taian tabuki ao e korakora karongoaara, ma bon akea manenaia boni Ngkoe ae Ko konaa ni kamaiura.

Otea 13:4

Ngai ae te UEA ae I a tia n riki b'a Atuami man te tai are kam mena iai Aikubita. Bon ti Ngai te Atua ae kam ataia, bon ti Ngaia ae e konaa ni kamaiungkami.

Iona 2:9

Ma N na anenea kamoamoam; N na anga karea nakoim. N na karaoa are I a tia n taetae n tuea iai. Bon mairoun te UEA te maiu!

Warekaia Iteraera 10:35

Ao e aki toki n tataro Moote ni katoa te bong are a nang m'ananga iai Iteraera, ao e tataro ni kaangai, “Ara UEA, kataenikaiia Am kairiribai, ao kakioia nako!”

M'akuri 3:26

E kateirakea Natina te Atua ao E kanakoa moa nakoimi, b'a E na kakab'aiaingkami, n rairingkami ni kabaneingkami man aromi aika bubuaka.

M'akuri 4:12

Bon ti Iesu ae mena i rouna te kamaiu, ao akea riki; b'a bon akea te ara riki teuana i aani karawa ae a anganaki aomata, ae ti kona ni kamaiuaki iai.

I-Ebeto 1:3

E na karaoiroaki te Atua are Taman ara UEA are Iesu Kristo, are E kakab'aiaira iroun Kristo ni b'aai ni kakab'aia ni kabane ake mai Rouna, ake b'aini karawa.

Ebera 6:14

ao E kangai, “Bon te koaua b'a N na kakab'aiako, ao N na kabatiaia am kariki ni boni kabatiaia.”

1.Betero 3:9

Kam na tai kabooa te buakaka n te buakaka, ao te taetaebuaka n te taetaebuaka; ma kam na taetae ni kakab'aiaia aomata; b'a kam weteaki nakon aei, b'a kam aonga ni karekea te kakab'aiaki.

Te Kaotioti 19:1

I mwini baikai ao I ongo te bae kanga te b'anaa ae korakora ae b'anaaia kaain te botaki ae ab'ab'aki i karawa, ae kaangai, “Neboa te UEA! Ana b'ai Atuara te kamaiu, ma te neboaki, ma te m'aaka,

Te Kaotioti 7:10

ao a taetae n te b'anaa ae korakora, ao a kaangai, “Ana b'ai Atuara ae tekateka i aon te kaintokanuea te kamaiu; ao te kamaiu aei bon ana b'ai naba te Tiibuteteei.”