Taian Areru 28:9 - Te B'aib'ara

⁹ Te UEA, kamaiuia am botannaomata; ao kakab'aiaia te koraki akana am b'ai. Ko na riki b'a te tia kawakinia n ai aron te tia kawakin-tiibu; ao kawakinia n aki toki.

Taian Areru 28:9 ပူးပေါင်းရင်းမြစ်များ

2.Tamuera 21:3

Ao e taku, “Tera ngkai te b'ai ae N na karaoia ni karaoa mwiin ana m'akuri Tauro, b'a kam aonga ni butiia te UEA b'a E na akoia riki ana aomata?”

2.Tamuera 7:7

I rineia taani kairiiri ao I tuangiia b'a a na riki b'a taani kaawakintiibu i bukiia au aomata aika Iteraera. Iai te tai ae I tia iai n tuanga temanna mai buakoia b'a e na karaoa te tembora man te tiira ibuku?

1.Uea 8:51

Uringnga b'a bon aomata ngkoa ake Ko rineia ao Ko kamaiuia mai Aikubita are kaanga te ai ae e uram'aaka nakoia.

1.Uea 8:53

Ngke Ko kaotinakoia ara bakatibu mai Aikubita, ao Ko tuanga Moote are am toro b'a e na taetae nakoia ni kaangai, E a tia n rineingkami te UEA ae te Atua mai i buakoia aomatan te aonnaba b'a ana Aomata ni koaua.

Etira 1:4

A na riai aomata nako ni katauraoi b'aai ni kabane aika a na kainanoaki. A na riai n anga te m'aane, b'aai, ao taiani man, ao ai uana naba ma taiani b'aintangira i bukin manga katean ana Tembora te Atua.

Taian Areru 14:7

E bia reke kamaiuan Iteraera mai Tion! Ngkana E a manga kaoka te kab'aia Te UEA nakoia ana kariki Iakob'a, ake te botannaomata ake Iteraera, Ao ane a na kim'areirei!

Taian Areru 25:22

Te Atua, kamaiua am Botannaomata ae Iteraera man rawawatana ni kabane.

Taian Areru 78:71

ike e tararuaia iai, Ao E karikia b'a te uea i aon Iteraera, n ai aron te tia kawakin-tiibu i bukiia ana aomata te Atua.

Itaia 40:11

E tararuaia ana Botannaomata te UEA, kaanga te tia kaawakintiibu ni kaawakiniia ana Nanai n tiibu. E uouotia tiibu ataei i aoni baina ao ngke e tabe ni kaira raoi te tina n tiibu.

Itaia 46:3

Ngkami aika nikira ni maiu i Iteraera, tii ongora irou, Ngai ae te UEA. I a kaman uouotingkami ni moa man te tai are kam a tib'a bungiaki iai.

Itaia 63:9

E mwengabuaka te UEA ngkana e noori aia kaangaanga, ma a kamaiuaki iroun ana Anera. E nanoanga ni koaua te UEA, ai ngaia are, e kamaiuia ana Aomata. E m'aneia ni baina ao e uotia i nanon ririki aikai ni kabane.

Ieremia 10:16

Ko karaoi b'aai nako Ngkoe ae Atuaia Iteraera, ao ko rinea Iteraera b'a am b'ai ni koaua. Aram bon te UEA ae Moan te M'aaka.

Ieremia 31:7

E taku te UEA: Karaoa ami bootaki ni kukurei ao anene i bukin Iteraera, te botannaomata ae te kabanea ni korakora. Anga ami nebonebo ao takaarua, “Nakomai, Kamaiuia Am aomata, te UEA! Kamaiuia nikiraia Iteraera.”

Mika 5:2

E kangai te UEA nakon te kaawa ae Betereem Eberata, “Bon te kaawa naba ngkoe teuana ae ko uarereke i buakon kaawan Iuta, ma N na kaotinakoa te Tia Tautaekana Iteraera mai iroum, ae te aomata ae iai reitakina ma ake a kakannato ake ngkoa.”

Mika 5:4

Ngkana e roko, ao E na bon taua taekaia ana aomata ma te korakora are e anganna te UEA, ao ma ni kaotiota naba mimitongin te UEA n ti Ngaia. A na boni maeka ana aomata ma te rau, i bukina b'a e bon namakinaki kakannaton ana tautaeka ni kabutaa te aonnaba,

Mika 7:14

Te UEA, Ko na riki b'a te tia kaawakin tiibu nakoia Am aomata, Am aomata ake Ko rineia. E ngae ngke a maeka ni kaokoro n te rereua, ma boni iai aaba aika a maiu aika a katobibiia. Kariaia b'a a na nako am tiibu n am'arake n uteuten Batian ao Kireata aika a maiureirei, n ai aron are a kakaraoia n taai ake ngkoa.

Mataio 2:6

‘Ao ngkoe ae Betereem ae kawan Iuta, ko ataaki irouia ake a tautaeka i Iuta; b'a te kawa teuana i buakoni kawana ake a rangi ni kakannato, b'a E na nako mai roum te Uea are na kawakinia au aomata ake Iteraera.’ ”

I-Ebeto 1:18

ngkai a kaotaki matan nanomi b'a kam aonga n ataia b'a tera te kaantaninga n ana weewete, tera te kab'aia ae bati ae kamimii arona, are E na anganiia ake a itiaki;

Te Tua-Kaua 1:31

Ao kam bon ataia b'a E boni kaawakiniira te UEA n taai nako ngke ti mena n te rereua, n aromi ngkana kam uouota natimi temanna.”

Te Tua-Kaua 32:9

ma E kaawakina Iteraera te UEA.

Te Tua-Kaua 9:26

Ao I tataro: Ara UEA, taiaoka n aki kamateia am Aomata. Ko a tia ni kamanenaa m'aakam ae korakora ni kamaiuia ngkoa mai Aikubita, ao Ko karikiia b'a am Aomata ni koaua.

Te Tua-Kaua 9:29

Ma Ngkoe ara UEA, ko rineia Iteraera b'a am Aomata ni koaua, ao Ko kamaiuia ni baim ae m'aaka mai Aikubita.