Taian Areru 28:7 - Te B'aib'ara

⁷ Boni korakorau te UEA ao otangau; I onimakinna. E anganai buokau, ao E kakukureiai. I anene ma te kim'areirei ni kamoamoaa.

Taian Areru 28:7 ပူးပေါင်းရင်းမြစ်များ

Karikani B'aai 15:1

Ao i mwiin aei, ao e roko te kaotioti iroun Aberam, ao e ongo Ana taeka te UEA ngke E kaangai, “Ko na aki maaku, Aberam. N na kamanoko man taiani kaangaanga ao N na anganiko kaniwangam ae moan te buubura.”

Taian Areru 13:5

I onimakina am Tangira, ao I rangi ni kimarimari iai b'a ko bon otanganai.

Taian Areru 13:6

N na aneneiko te UEA, B'a Ko a tia n akoai.

Taian Areru 19:14

A bia riki au taeka ma namakin aika nako mai nanou b'a kakukureiam, te UEA ae te tia kamanoai ao au tia kamaiu!

Taian Areru 21:1

Te UEA, e kukurei te king i bukina ngke Ko anganna te korakora ao e kakatonga b'a e tokanikai i aoia aiana.

Taian Areru 22:4

A onimakiniko ara bakatibu; A onimakiniko, ao Ko kamaiuia.

Taian Areru 28:8

Te UEA boni korakoraia ana Aomata, ao nena ni kamaiu te uea ae rineaki i rouna.

Taian Areru 3:3

Ma bon otangau Ngkoe, ao Ko anganai te tokanikai, ma te karineaki ae bati.

Taian Areru 3:4

I kanenea b'anaau n tataro nakoim te UEA, ao Ko kaekaai man am Maunga are Tabu.

Taian Areru 33:21

A kim'areirei nanora i rouna, B'a kioina ngkai ti onimakina arana ae tabu.

Taian Areru 37:39

E kamaiuia akana raoiroi te UEA, ao E kataniia n tain te kaangaanga.

Taian Areru 40:3

E reireiai b'a N na anenea te kuna ae boou, i bukini karaoiroan Atuara. A na nora aio aomata aika bati, ao a na karinea ma n onimakina te UEA.

Taian Areru 43:2

Boni Ngkoe te tia kamanoai; Ko aera ngkai Ko kitanai? I aera ngkai N na teimatoa n rawaawata ni b'ainikirinau iroun te tia ribaai?

Taian Areru 46:1

Boni nera ni katantan ao korakorara te Atua. E kaan n taai nako ni buokira n tain te kangaanga.

Taian Areru 46:2

Ma ngaia ae ti na aki maaku, e ngae ngkana e m'aeiei aon te aba, ao a b'aka maunga i nanoni marawa;

Taian Areru 69:30

N na anene ni kamoamoa te Atua; N na neboia ma te nano ni katituaraoi.

Taian Areru 84:11

Boni nera ni katantan te UEA ao ara Uea ae mimitong; E ataataiaomata nakoira ao E anganira te karineaki. E aki rawa n anga te b'ai ae e raoiroi nakoia akana karaoa ae e raoiroi.

Taian Areru 91:4

E na rabuniko ni baina kanga ai aron te mannikiba ni kawakinia bunna i aani baina; E kakaonimaki te Atua ni kawakiniko ao ni kamanoko.

Itaia 12:2

I onimakiniko b'a ko na kamaiuai, te UEA ae te Atua, ao N na aki maaku A nako m'aakau ma korakorau mairoum, ao ko a tia ni kamaiuai.”

Itaia 45:24

A na kakoaua b'a bon ti te Atua Ngai ae I karokoa te kaetitaeka ae eti. Ane e un ma ngai e na bon rangi ni kamaamaaeaki ao e na rairaki nako iu.

Itaia 61:10

N na karaoa au bootaki ni kukurei ao n takaarua i bukin au UEA ae te Atua. I a kunnikaiai ni m'aakan ana m'akuri ni kakamaiu ao ana motikitaeka ae Eti. A rangi n tamaroa riki nakon b'aai ni katamaroa aika a b'aab'ainaki iroun te kabae te aine ke te kabae te m'aane.

I-Ebeto 6:10

Te kabanea: kam na korakora i nanon te UEA, ao ni korakorani m'aakana.

Te Kaotioti 15:3

Ao a anenea ana anene Mote are ana toro te Atua, ma ana anene te Tiibuteteei, ao a kaangai, “Te Uea ae te Atua, ae Moan te M'aaka, A kakannato am m'akuri ao a kamimii! A eti ma ni koaua arom, Ngkoe ae aia Uea botannaomata!

Te Kaotioti 5:9

Ao a anene n te anene ae boou, ao a anene ni kaangai, “Ko riai n anaa te niira ni boki ma ni kanakoi b'aini kanim'ana ake kanikina. B'a Ko kamateaki; ao Ko kamaiuia aomata n raraam b'a ana b'ai te Atua mai buakoia baronga nako, ma reeti n aomata nako, ma aomata nako aika a kakaokoro aia taetae,