Taian Areru 28:4 - Te B'aib'ara

⁴ Ko na karawawataia i bukini baike a tia ni karaoi, i bukin m'akuri ake a buakaka. Katuaeaia i bukin aia m'akuri ni kabane: anganiia booni mwin aia m'akuri ae a tia ni karaoia

Taian Areru 28:4 ပူးပေါင်းရင်းမြစ်များ

2.Tamuera 3:39

Bon te uea ngai ae I rineaki, ma bon iai riki m'aakaia Ioaba ma Abitiai nakon ae I karaoia. Ma ngaia are, E na bon kabooa mwiin te m'akuri ae e buakaka te Atua ae a karaoia.”

Etira 9:13

Ko katuaaira i bukin ara bure aika moan te buakaka. Ma ko bon aki katuaaira n aron m'aitin are ti bon riai n katuaaeaki iai, ao ko a tia ni kaokiia tabeman mai buakora nakoni mwengara.

Taian Areru 103:10

E aki kareke kaira n ai aron ae bon riai n reke nakoira, Ao E kaboi mwin ara bure ma ara kairua n tiaki booia ni koaua.

Taian Areru 21:10

Akea temanna irouia aia kariki ae na maiu; E na bane ni kamateia te uea.

Taian Areru 5:10

Te Atua, katuaaia; ao karika b'akaia boni man aia babaire. Kakionakoia mai matam i bukin aia bure aika a bati ma aia kakaitara nakoim.

Taian Areru 62:12

ao e teimatoa au tangira. Boni Ngkoe, te Uea, ae Ko angania aomata n tatabemaniia nako booni mwin aia m'akuri.

B'aeb'aeti 3:64

Kabooa mwiin b'ai ni kabane ake a tia ni karaoia nako iu, te UEA!

Etekiera 38:10

I ataia b'a ko na karaoa te iango ae e buakaka ngkana e roko te tai arei

I-Rom 11:22

Ko nora ngkanne aron ana ataataiaomata te Atua ao arona ni matoatoa: E matoatoa nakoia ake a tia ni b'aka, ma E ataataiaomata nakoimi, ngkana kam teimatoa n onimakina arona nakoimi. Ma ngkana kam aki, ao ane kam na koreaki ni kaakaki.

2.Timoteo 4:14

Arekantero are te tia karaoi b'aai man te buraati e karaoi baika bubuaka aika bati nako iu. Ane e na kaboaki mwin ana m'akuri aika buakaka iroun te Uea n ai aroni baike e karaoi.

Te Kaotioti 18:6

Are e karaoia nakoimi, ao kam na karaoia naba nakoina; ao kauoua te tai m'aitini booni mwin te b'ai are e karaoia, ao kaona ana m'angko n te moi, ni kauoua te tai korakoran te moi are e a tia ni karaoi i bukimi.

Te Kaotioti 22:12

“Noria, ae N na waetata n roko ma uotau te bae N na anga nakoia aomata ni kabaneia ni kaeti ma aron aia m'akuri nako.