Taian Areru 28:3 - Te B'aib'ara

³ Tai uakinai nako ma akana iowawa, akana taetae ni wii-raraoi nakoia raoia, ma ribakiia ae raba i nanoia.

Taian Areru 28:3 ပူးပေါင်းရင်းမြစ်များ

Taian Areru 10:14

Ko taratara; ao Ko noori kabuanib'ai ma kaangaanga nako ao Ko tauraoi ni buobuoki n taai nako. E mwioko iroum ane kananoanga; b'a Ko buobuoka ane akea tamana.

Taian Areru 10:7

E on wina n te kewekewe ao ana kakarabakau bon te kakaunuun ao te kani karaoa ae buakaka.

Taian Areru 12:2

Akea ae e na aki kewea raona: A keweia raoia n taeka ni karang.

Taian Areru 141:4

Ko na tukai mani kani karaoan ae buakaka, ao man raonakiia akana buakaka ni karaoi m'akuri aika bubuaka. N na aki am'arake ma ngaiia n aia tai ni bootaki.

Taian Areru 26:9

Tai taeai nako n ai aron taenakoaia taani bure ao tai katuaeai ma aika mate n aron are ko karaoia nako ia aomata aika taan tiritiri,

Taian Areru 36:4

E karioi iango aika bubuaka ngkana e wene ni nena ni wene; Akea te bae e karaoia ae na raoiroi, Ao e aki kona n riba te b'ai ae buakaka.

Taian Areru 52:1

Ngkami aika aomata kam kona ni korakora, mani kainikatonga i bukin ami bure, ma E teimatoa onimakinan te Atua ni katoa bong

Taian Areru 55:21

A maranran riki ana taeka nakon te kuriim Ma e raba te riribai i nanona; A maraurau riki ana taeka nakoni marauraun te oera, Ma a korokoro n ai aroni kabaang aika kakang wiia.

Taian Areru 62:4

Kam ti kani kab'aka mani nena ni karineaki; A maiu nanomi n te kewekewe. Kam taetae ni kakab'aia te aomata, ma kam karereantia i nanomi.

Taian Areru 7:14

Te aomata ae buakaka kanga ai aron te aine are nangi bungia natina ae te tia iowawa ao te tia kewe, ao te tia kakaitaraa naba.

Mika 3:5

A tia ni keweaki au aomata irouia burabeti ake a taetae ni burabetiia te rau nakoia ake a reke booia mairouia, ao te buaka nakoia ake a aki reke booia mairouia.

Warekaia Iteraera 16:26

Ao e tuangiia aomata ni kaangai, “Kam na kararoaingkami man aia auti n rianna mm'aane aika taani bure aikai! Kam na aki riiriing aia b'ai ni kabane b'a kam kaawa n raona aia bure ni kamaunaaki naba.”

Mataio 25:41

Ao ane E na kangai nakoia ake i angamaingina, “Naako mai Rou! Ngkami akana reke kaimi iroun te Atua. Nakon te ai are aki mamate are katauraoaki i bukin te riaboro ma ana anera!

Mataio 25:46

Ao e taku Iesu, “Ane a na bane n nako nakon reken te kai are aki toki. Ma ake a raoiroi a na nako nakon te maiu are aki toki.”