Taian Areru 27:4 - Te B'aib'ara

⁴ Teuana te b'ai ae I butia iai te UEA, ae te b'ai ae I tangiria: b'a N na maeka n ana auti ni kabanea bongini maiu, ni mamatakuakina kamimiin raoiroina, Ao ni bubutiia ana kairiiri.

Taian Areru 27:4 ပူးပေါင်းရင်းမြစ်များ

2.Tamuera 21:1

Bon tenua taian ririki aike akea iai kanaia te botannaomata ae Iteraera n ana tai n uea Tawita. Ma ngaia are, e buubutiia te UEA teuare Tawita buokaia, ao E kaeka te UEA ni kaangai, “E bure Tauro ma ana utu i bukin te tiriaomata, i bukina ngke e tiringiia kaain Kibeon.”

Taian Areru 23:6

I kakoauaa b'a am Raoiroi ma am Tangira a na bon irirai ni maiu n taai nako; ao am auti e na riki b'a mwengau n aki toki.

Taian Areru 26:6

Te UEA, I teboki baiu ni kaotia b'a akea au bure, ao I nakonako n taromauri ni katobibia am Baonikarea,

Taian Areru 26:8

Te UEA, I tangira te Tembora are Ko mamaeka iai, Are te tabo are e mena iai mimitongim.

Taian Areru 27:8

E tuangai nanou b'a N na tataro. E ingainga nanou ni kan nora matam,

Taian Areru 50:2

E oota nako mimitongina mai Tion, are moanibaan te tamaroa.

Taian Areru 65:4

A kab'aia aomata ake Ko rineia, ake Ko kairiia b'a a na maeka i nanon on am Tembora. Ti na rauaki ni baika raraoi aika b'ain am Auti, are taiani kakab'aia i bukin am Tembora are Tabu.

Taian Areru 84:10

E raoiroi riki te bong ae ti te bongina ni mena i nanon am Tembora nakon tengaa te bong ni mena n te tabo teuana. E raoiroi riki irou te tei n tantani i rarikini mataroan te kawai n rin nakon ana auti Atuau, Nakon te maeka ni mwengaia akana buakaka.

Taian Areru 84:4

A kab'aia akana maeka n am Tembora; A aki toki n anene neboiko.

Taian Areru 90:17

Te UEA ae Atuara, Ko na kakab'aiaira. Ko na katetekeraoira ni b'ai ni bane aika ti karaoi!

Ieremia 29:13

Ane kam na taromauriai ma nanomi ni koaua, ao N na raraoningkami

Taniera 9:3

Ao I kakorakoraai n tataro nakon te Uea ae te Atua, mani kairoro, man aki mamatam, mani karinii kunnikai aika a mangaingai, ao n tekateka i aon te mannang.

Tekaria 9:9

Kukurei ao takaarua aomata ni kabane i Ierutarem, E a tia n tokanikai ami uea, ao E a roko ni kawaringkami. E nanorinano ao E toka i aon te ati; ao E roko i aon bunin te aati.

Mataio 6:33

Ma kam na ukoukora moa Uean te Atua ma ana raoiroi, ao E na karekei baikai ni kabane te Atua nako imi.

Ruka 10:42

ma e kainanoaki te b'ai ae ti teuana. E a tia Nei Maria n rinea te tib'a are raoiroi riki, are e na aki anaaki mai rouna.”

Ruka 13:24

Kakorakoraingkami b'a kam na rin n te mataroa are wariki; b'a I taku nako imi b'a a bati aika ukoukora te kan rin iai, ma a aki kona.

Ruka 18:1

Ao E taekina te rongorongo ni kabotau Iesu nakoia ana reirei, ma te kaantaninga b'a a riai n tatataro n taai nako, ao a na aki b'ara nanoia.

Ruka 2:37

E a tia ni mate buuna, ao ai wanibwi ma aua ana ririki ni maiu.

2.I-Korinto 3:18

Ao ngaira ni bane ma matara aika aki rabunaki, aika ti nora mimitongin te UEA kanga n te tirotaam, ti tabe n onikaki nakoni katotongana man te mimitong teuana nakon teuana; ao e riki aei mairoun te UEA ae te Tamnei.

2.I-Korinto 4:6

B'a bon te Atua, are kangai, “E na oota te oota mai buakon te roo!” Bon te Atua naba aei are kaota ana oota i nanora, b'a ti na ata mimitongin te Atua b'a e oota man ubun Iesu.

I-Biribi 3:13

Taari, I aki taku b'a I a tia n taua; ma te b'ai teuana ae I karaoia, I m'anuokini baika i mwiu, ao I kabanea korakorau b'a N na katiai baika N na karaoi nakon taai aika na roko.

1.Timoteo 5:5

Ao te aine ae kananoanga ni koaua, ngkae e mate buna ao e tiku n ti ngaia, e mwiokoa te Atua ni maiuna, ao e botum'aka n tatataro ni bubuti n te bong ao n te ngaina.

Ebera 11:6

Ma ngkana akea te onimaki ao e aki kona te aomata ni kakukureia te Atua; b'a e bon riai iroun te aomata ane nako n te Atua ni kakoaua b'a bon iai te Atua ao boni Ngaia te tia karekea kaniwangaia te koraki aika kakorakoraia n ukoukoria.

1.Tamuera 1:11

“Te UEA ae Moan te M'aaka, bon am toro ngai, ae I bon rangi n rawawata! Taiaoka karekea natiu te m'aane. I berita b'a N na anganiko b'a Am b'ai n aron ab'ab'akin maiuna, ao e na aki kokoreaki iran atuuna.”

1.Tamuera 22:10

Ao Aimereka e titirakina te UEA b'a tera ae e na karaoia Tawita, ao i mwiina, e angan Tawita ana kabaang Koria are te I-Biritia.”

1.Tamuera 30:8

Ao e titirakina te UEA Tawita ni kaangai, “N na riai n rimwiia taan kurib'ai? Ao N na kauiaia?” Ao E kaeka ni kaangai, “Naako rimwiia; ko na kauiaia ao ko na kamaiuia taenikai.”