Taian Areru 27:1 - Te B'aib'ara

¹ Bon ootau ma au tia kamaiu te UEA; Akea ae N na makua. Bon nneu ni kamanoai te UEA man taiani kanganga nako; N na bon aki maaku.

Taian Areru 27:1 ပူးပေါင်းရင်းမြစ်များ

Iobi 29:3

Ngke e kakab'aiaai iai te Atua ni kaota Ana taura i aoni kawaiu. E kairirai Ana taura i buakon te roo.

Taian Areru 11:1

I onimakina te UEA i bukini kamanoau; kam rangi ni baba ngkae kam kaangai nako iu, “Kiba nako n ai aron te mannikiba nako aoni maunga,

Taian Areru 118:21

Te UEA, I neboiko, i bukina ngkai Ko kaekai au tataro ao ko kamaiuai

Taian Areru 118:6

Bon raou te UEA, N na aki maaku; Tera ae e kona te aomata ni karaoia nako iu?

Taian Areru 18:28

Te UEA ae Atuau, anganai te oota; Kaota te roo ae I mena iai.

Taian Areru 18:29

Ko anganai te korakora ni buakaniia aiau, ao te kona n tam'arakea nonon aia kaawa.

Taian Areru 18:46

E maiu te UEA; E na kamoamoaki te tia kamanoai! E na neboaki te Atua ae au tia kamaiu.

Taian Areru 19:14

A bia riki au taeka ma namakin aika nako mai nanou b'a kakukureiam, te UEA ae te tia kamanoai ao au tia kamaiu!

Taian Areru 3:8

b'a Ko tararuaia am Aomata ma ni kakab'aiaia.

Taian Areru 43:2

Boni Ngkoe te tia kamanoai; Ko aera ngkai Ko kitanai? I aera ngkai N na teimatoa n rawaawata ni b'ainikirinau iroun te tia ribaai?

Taian Areru 62:2

Ti Ngaia katanau ao buokau; Ngaia ae kamanoai, ao N na aki kona n taenikai.

Taian Areru 62:6

Ti Ngaia katanau ao buokau, Ngaia ae kamanoai, N na aki kona n taenikai.

Taian Areru 84:11

Boni nera ni katantan te UEA ao ara Uea ae mimitong; E ataataiaomata nakoira ao E anganira te karineaki. E aki rawa n anga te b'ai ae e raoiroi nakoia akana karaoa ae e raoiroi.

Te Otinako 15:2

Bon otangau ae matoatoa te UEA; boni Ngaia ae E a tia ni kamaiuai. Bon Atuau, ao N na neboia, Bon Tamau te Atua, ao N na anenea korakorana.

Itaia 12:2

I onimakiniko b'a ko na kamaiuai, te UEA ae te Atua, ao N na aki maaku A nako m'aakau ma korakorau mairoum, ao ko a tia ni kamaiuai.”

Itaia 2:5

Kaain Iteraera, ti na maiu n ootan te UEA.

Itaia 45:24

A na kakoaua b'a bon ti te Atua Ngai ae I karokoa te kaetitaeka ae eti. Ane e un ma ngai e na bon rangi ni kamaamaaeaki ao e na rairaki nako iu.

Itaia 61:10

N na karaoa au bootaki ni kukurei ao n takaarua i bukin au UEA ae te Atua. I a kunnikaiai ni m'aakan ana m'akuri ni kakamaiu ao ana motikitaeka ae Eti. A rangi n tamaroa riki nakon b'aai ni katamaroa aika a b'aab'ainaki iroun te kabae te aine ke te kabae te m'aane.

Ieremia 20:11

Ma bon te tautia ae e korakora Ngkoe te UEA, ae ko tei i rarikiu. Ane a na b'aka taani kakiriwe aikai ao a na mamaara a na rangi ni b'arananoia, ao e na akea tokin mamaaia.

Maraki 4:2

Ma ngkami aika kam karinea arau, e na oota i aomi te tokanikai kaanga taai ma buraenimata aika a uota te maiu, ao kam na kibakiba rake kaanga taian kao ataei aika a takaakaro.

Mataio 8:26

Ao Ngaia E kangai nako ia, “Kam aera ngkai kam maaku? Ngkami aika a karako ami onimaki!” Ao E tei rake, ao E takua te ang ma naao, ao e a bati naba te ariki.

Ruka 2:30

B'a a tia matau n nora am kamaiu nako ia aomata,

Ruka 3:6

Ao ane a na bane aomata n nora ana kamaiu te Atua!’ ”

Ioane 1:9

Bon arei te Oota ni koaua, are E roko i aon te aba, ao E oota i aoia aomata ni kabaneia.

Ioane 8:12

E a manga taetae Iesu nakoia aomata, ao E taku, “Ngai te oota nakoia aomata i aonnaba. Ane irai, ao e na bon aki nakonako n te roo, ma e na reke i rouna te oota are na anganna te maiu.”

I-Rom 8:31

Ao tera ngkanne ae ti na taekinna i bukini baikai? Ngkana raora te Atua, ao antai ae kona n ekira nako?

2.I-Korinto 12:9

Ao E kangai nako iu, “E tau i bukim au akoi, b'a e oti aroni m'akau b'a e korakora n te mamara.” Ma ngaia ae moan te kukurei ngai ni kamoamoaai ni mamarau, b'a e aonga ni memena m'aakani Kristo i aou.

Te Tua-Kaua 7:18

Ma kam na katoka te raraoma. Kam na ti uringa te b'ai are karaoia te UEA ae Atuami nakon uean Aikubita.

Te Tua-Kaua 7:21

Ma ngaia are, kam na aki maaku ngkana kam aitara ni buaka ma ngaiia. E korakora Atuami ao E kakamaaku, ao E na buaka i bukimi.

I-Biribi 4:13

I konai b'aai ni kabane ni kaitarai iroun Teuare kakorakoraai.

Ebera 13:6

Ma ngaia ae ti na aki maaku ni kangai: “Te Uea bon te tia buokai; N na aki maaku; Tera ae e kona te aomata ni karaoia nako iu?”

Te Kaotioti 21:23

E aki kainanoa taai ke nam'akaina te kaawa arei i bukin ootana; b'a ootana boni mimitongin te Atua, ao taurana bon te Tiibuteteei.

Te Kaotioti 22:5

E na akea te bong; ao a aki kainanoa ootan te taura ma taai, b'a E na riki te Atua b'a te oota i aoia; ao a na uea n aki totoki.

Te Kaotioti 7:10

ao a taetae n te b'anaa ae korakora, ao a kaangai, “Ana b'ai Atuara ae tekateka i aon te kaintokanuea te kamaiu; ao te kamaiu aei bon ana b'ai naba te Tiibuteteei.”