Taian Areru 26:9 - Te B'aib'ara

⁹ Tai taeai nako n ai aron taenakoaia taani bure ao tai katuaeai ma aika mate n aron are ko karaoia nako ia aomata aika taan tiritiri,

Taian Areru 26:9 ပူးပေါင်းရင်းမြစ်များ

2.Tamuera 16:7

E tatakarua Timei nakon Tawita ni kaangai, “Naako mai ikai, ngkoe ae te tia tiritiri! Bon akea manenam,

2.Tamuera 21:1

Bon tenua taian ririki aike akea iai kanaia te botannaomata ae Iteraera n ana tai n uea Tawita. Ma ngaia are, e buubutiia te UEA teuare Tawita buokaia, ao E kaeka te UEA ni kaangai, “E bure Tauro ma ana utu i bukin te tiriaomata, i bukina ngke e tiringiia kaain Kibeon.”

Taian Areru 139:19

Te Atua, ai terana ngke Ko tiringiia akana buakaka! Ai terana ngke a katukai n aki kumeai akana iowawa!

Taian Areru 51:14

Te Atua, ae te Tia Kamaiuai, kawakinai man te bure ae kakaiaki, Ao N na kim'areirei n tataekina raoiroim.

Taian Areru 55:23

Ma Ngkoe, te Atua, Ko na kariniia taan tiritiri ma taani b'anga ni kewe ruanimateia i m'ain banen iteran aia bongi ni maiu. Ao ngai N na onimakiniko.

Maraki 3:18

Ao ane a na manga noora te kaokoro aomata nako i marenaia aomata aika a ongotaeka irou ni karaoa ae e raoiroi ma aomata aika a katinanikuai ni karaoi b'aai aika a buakaka.

Mataio 24:51

ao e na kataerea ni karawawataa, ao e na kaki i rarikiia taani m'am'ana-te-aba, n te tabo ike a na tang iai aomata ma n tenai riaia b'a kaotan ae a rotaki n te maraki ae korakora.

Mataio 25:32

Ane a na bane ni botaki botannaomata ni kabaneia i matana, ao E na kaokoroia tekorakina mairouia tekorakina, n ai aron te tia kawakin-tiibu ngkana e kaokoroia tiibu ma kooti:

Mataio 25:44

Ao ane a na kaeka naba ni kangai, “Te Uea, ti noriko n ningai ngke Ko baki, ke ngke Ko taka ni kani moi, ke ngke te iruwa Ngkoe, ke ngke akea kunnikaim, ke ngke Ko aoraki, ke ngke Ko mena i nanon te karabuuti, ao ti aki tabeakiniko?”

Mataio 25:46

Ao e taku Iesu, “Ane a na bane n nako nakon reken te kai are aki toki. Ma ake a raoiroi a na nako nakon te maiu are aki toki.”

1.Tamuera 25:29

Ngkana iai ae e na buakaniko ao ni kataia n tiringko, ao E na kaawakiniko te Atua b'a ko na mano raoi, kaanga te aomata ae e kakaawakina te kaub'ai ae e kakaawaki. E na karenakoia am kairiribai nako te UEAkaanga te aomata ae e karenakoa te atiibu n te bana.