Taian Areru 26:10 - Te B'aib'ara

¹⁰ Ake a aki toki ni kakaraoa ae buakaka, ma n tatauraoi ni butim'aai m'aane n anai nano b'a aia b'ai.

Taian Areru 26:10 ပူးပေါင်းရင်းမြစ်များ

Taian Areru 10:14

Ko taratara; ao Ko noori kabuanib'ai ma kaangaanga nako ao Ko tauraoi ni buobuoki n taai nako. E mwioko iroum ane kananoanga; b'a Ko buobuoka ane akea tamana.

Taian Areru 11:2

b'a nooria, a kareenai aia kainikatebe aomata ake a buakaka b'a ana katebeia aomata aika raoiroi.

Taian Areru 36:4

E karioi iango aika bubuaka ngkana e wene ni nena ni wene; Akea te bae e karaoia ae na raoiroi, Ao e aki kona n riba te b'ai ae buakaka.

Taian Areru 52:2

Ko karioi iango aika a na uru aroia tem'angina; Ai aron te m'ariro ae kakang newem; Ko aki toki ni karioi taeka ni kewe.

Te Otinako 23:8

Kam na aki butim'aea te anai nano. A matakii taan moti ao ni b'aoua nako aia motikitaeka ae eti n taian anai nano.

Taeka n Rabakau 1:16

A rangi ni waekoakoa nakon karaoan te bure, ni karokoa naba bon te tiritiri.

Taeka n Rabakau 4:16

A bon aki mamatu ke ni motirawa ni karokoa a tia ni karaoa te kaairua ke ni kamarakiia tabeman aika akea aia bure.

Itaia 33:15

Ma e na iai kaniwangaia aika a eti maiuia ma n tataekina te koaua, i bukiia aomata ake a rawa n anaa te m'ane n te matoa ke a rawa ni butim'aea te baabakanikawai, ao nakoia ni kabane ake a ribaa te tiriaomata ao taian m'akuri ni kakeru.

Amota 5:12

Ao I atai aron ami bure aika nang riao aika kam a tia ni karaoi. Kam b'ainikiriniia aomata aika raoiroi, kam kamaraato, ao kam totokoia aika kainano nakon te motikitaeka ae eti n te bowi.

Mika 7:3

A rangi n rabakau ni karaoan te m'akuri ae e buakaka. A ukoukora te kamaraato b'aakuaku ma Taani Motikitaeka. A mara atoia taan tautaeka, ao a kangaraoi mooti nakon nanoia ake a kamarai atoia

M'akuri 23:12

Ngke e a ngaina, ao a karekea aia iango ni kam'arua I-Iutaia tem'angina: a taetae ni bau b'a a na aki am'arake ma ni moi ni karokoa ae a tia ni kamatea B'auro.

1.Tamuera 8:3

Ma a bon aki katotonga tamaia. Bon aomata ngaiia aika buakaka ao a kariaia te kamaraato i bukin te anga taian iango aika aki raoiroi.