Taian Areru 25:9 - Te B'aib'ara

⁹ E kaiririia akana nimamannei n te kawai ae eti, ao E reireiia nanona.

Taian Areru 25:9 ပူးပေါင်းရင်းမြစ်များ

Taian Areru 119:35

Kateimatoa ongeabau nakon am Tua, b'a I kukurei iai.

Taian Areru 119:66

Reireiai b'a N na wanawana ao N na rabakau, B'a I kakoauai am Tua.

Taian Areru 143:10

Bon Atuau Ngkoe; reireiai karaoan nanom. E na kairiirai Tamneim ae e raoiroi n te kawai ae aoraoi.

Taian Areru 147:6

E buokiia ni kamarurungia akana b'ainikirinaki te UEA, Ao E katoki eeia ni kab'ainrangiia akana buakaka.

Taian Areru 149:4

E kukurei te UEA iroun ana botannaomata; E karineia aika onimakinna n anganiia te tokanikai.

Taian Areru 22:26

A na am'arake ni katoki nanoia akana akea aia b'ai; Ao a na kamoamoa te UEA akana kawaria. A bia anganaki kukurein nanoia n aki toki.

Taian Areru 23:3

E anganai te marurung ae boou. E kairiirai i nanoni kawai aika eti, n aron ana taeka ni berita.

Taian Areru 27:11

Te UEA, reireiai te b'ai ae Ko tangiria b'a N na karaoia, ao kairiirai n te kawai ae e raoiroi, b'a a bati taan ribaai.

Taian Areru 73:24

Ko kairiirai n am Taeka n Reirei, Ao Ko na m'aneai rimwi nakon te neboaki.

Taian Areru 76:9

Ngke Ko teirake n anga am Moti, i bukini kamaiuaia aomata ake a karawawataaki ni kabaneia i aon te aba.

Taeka n Rabakau 8:20

I aki toki ni kaakaraoa te raoiroi,

Itaia 11:4

E na karaoaki raoi te eti ma te riai nakoia aomata aika a maiu ni kainano ao a tangira buokaia. Ana riki ana taeka b'a taian tua i aon te aba ni kabutaa, ao a na bane n tiringaki taani bure.

Itaia 61:1

E niniai Tamnein te UEA ae te Atua ao e taniai! E a tia n rineai te UEA ao e kanakoai b'a N na tuangiia ake a karawaawataaki te rongorongo ae e raoiroi, ao ni kamaiuia aika a uruaki nanoia, ao ni katanoata nakoia taekan te kainaomataaki nakoia buure nako ao taenikai nako.

Etekiera 36:27

i bukina b'a N na karina Tamneiu i nanomi ao ni karikingkami b'a kam na rangi ni kan ongotaeka nakon au Tua ma au Reirei nako.

Teb'ania 2:3

Okira te UEA ni kabane ngkami aika kain te aba aika kam nanorinano, ngkami aika kam kawakin Ana tua. Karaoa ae e riai ao nanorinano i matan te UEA, Antai ae e ataia ao e na reke nanoangami iroun te UEA.

Mataio 5:5

A a kab'aia akana a nimamamanei b'a a na abana te aba.

Ioane 14:6

E kaekaa Iesu ao E taku, “Boni Ngai te kawai, te koaua, ao te maiu; bon ti Ngai te kawai i bukin ane kan nako n Tamau.

M'akuri 13:10

Ngkoe ae natin te riaboro, ae ko on n te uarao ni kabanea ma aaro ni babakanikawai ni kabanea, ae ana kairiribai te raoiroi ni kabanea, ko aki kona n toki man arom ae te atong koaua mairoun te Atua b'a keewe?

M'akuri 9:2

ao e butiia reeta i bukina b'a e na uoti nako Tamateko, nakoni m'aneabaia nako I-Iutaia, b'a ngkana tao e kuneia tabem'aang aika taua te Aro, aika mm'aane ma aine, ao e na tauia ni kabaeia, ao e na kairiia nako Ierutarem.

I-Karatia 5:23

te nimamanei, te taotaonaki n nano mani karaoani baika e tangiri te rab'ata; akea te tua ae ekinako baikai.

Ebera 10:20

n te kawai ae boou ae maiu, ae E a tia ni kaukia i bukira, ae te kawai n ri nanon te roki te kunnikai, ae nanonaki iai arona ngke E anga boni Ngaia b'a te karea;

Iakobo 1:21

Ma ngaia ae kam na kaaki aromi aika kam'ara ma kateimi ni kabane aika bubuaka, ao kam na kaaki i nanomi ma te nimamannei te taeka are unikaki are kona te kamaiungkami.

1.Betero 3:15

Ma kam na tabua Kristo i nanomi b'a te Uea; ao kam na tauraoi n te bong ae koraki b'a kam aonga ni kona ni kaeka te aomata ae titirakiningkami bukin te kaantaninga ae mena i nanomi;

1.Betero 3:4

ma katamaroaami ae riai, bon te aomata ae raba ae b'ain te nano, ae katamaroaami ae aki kona ni mka, ae te nano ae nimamannei ae rau, ae kakawaki i matan te Atua.