Taian Areru 25:7 - Te B'aib'ara

⁷ Kab'arai au bure ake I karaoi ngke te kairake ngai. Te UEA, ururingai n ai aron am Tangira ae teimatoa ma am Raoiroi!

Taian Areru 25:7 ပူးပေါင်းရင်းမြစ်များ

Iobi 13:26

B'a Ko katuaaeai ni baika a matoatoa, ao Ko karawawataai i bukin au bure ngkoa ngke te rikirake ngai.

Iobi 20:11

E taneiai ni marurung rab'atana ngkoa ma ni maiureirei, ma n te tai ae aki maan, ao e na oneaki rab'atana nakon te bubu.

Taian Areru 106:3

A kab'aia akana b'ab'aina te koaua ma te eti ni maiuia n taai nako.

Taian Areru 106:4

Te UEA, uringai ngkana Ko buokiia am Botannaomata, Ao kamaiuai ma ngaiia;

Taian Areru 109:14

E bia aki kona te UEA ni m'anuokin taekan aia bure ana bakatibu, ke temanna irouia ana utu

Taian Areru 109:16

Akea iroun te aomata anne iangoani kani karaoan te m'akuri n ataataiaomata: E b'ainikiriniia ma ni kamateia akana akea aia b'ai, ma akana a kai nanoia, ma akana a b'ara nanoia.

Taian Areru 109:26

Te Uea ae Atuau, buokai; Nakomai kamaiuai i bukin n ai aron am Atataiaomata!

Taian Areru 119:124

Kaota am Tangira i buku, ngai ae am Toro; Ao reireiai am Tua.

Taian Areru 31:16

Taraai, ngai ae am Toro, ma moam n akoi; Kamaiuai n am Tangira ae Teimatoa.

Taian Areru 51:1

Te Atua, nanoangaai, b'a akea tokin am Atataiaomata! Kaitiakai man au bure, b'a e bati am Nanoanga!

Taian Areru 6:4

Te UEA, rairaki ao nako mai kamaiuai; Ko na kamaiuai ngkai Ko ataataiaomata.

Taian Areru 79:8

Ko na tai kareke kaira i bukin aia bure ara bakatibu. Ko na nanoangaira ngkai; a mamaara nanora.

Itaia 38:17

A roko taai aika a matoatoa n aron aikai i bukin iangoan arou. Ma e kaawakinai am tangira man te kabuanib'ai i nanon te m'anono ae e nano, ao Ko aki kubari au bure nako.

Itaia 43:25

Ma I kamaunai ami bure i bukina Ngke Ngai ae boni Ngai. Ma ngaia are, I m'aninga taiani kairua ake kam a tia ni karaoi.

Itaia 48:11

I karaoa aei bon ibuku. I rawa ngkana I aki karineaki ke n tib'aa neboau ma anti tem'angina.

Itaia 64:9

Ko na aki kabuakaka nanom ke ni katuka ara bure inanom n taai nako! Uringnga b'a bon am aomata ngaira ni kabane.

Ieremia 3:25

Ti a tia ni kakaaitarako kaanga aroia ara bakatibu, ao ti a mamaa n ara bure.”

Ieremia 31:34

“A na aki manga reireina temanna i bon irouia aron te ongotaeka i Rou. I berita Ngai ae te UEA nako ia ni kabane b'a a na ongotaeka irou, ti te bo aomata nako ma taan tautaeka. N na kab'arai aia bure, N na m'aninga taekan aia m'akuri aika a buakaka aika a tia ni karaoi.”

Ioane 5:14

E aki rangi ni maan i mwin arei, ao Iesu E nora teuarei n te Tembora, ao E taku nakoina, “Noria, ko a tia ni kamaiuaki, ma ngaia are ko na aki manga bure, b'a e kaawa n riki nako im te b'ai ae buakaka riki.”

Ioane 5:5

Iai temanna i buakoia aoraki akekei ae ai tenibwi ma wanua ana ririki n aoraki.

Ebera 8:12

B'a N na nanoangaiia ni kab'arai aia buakaka, ao N aki manga uring aia bure.”