Taian Areru 25:6 - Te B'aib'ara

⁶ Te UEA, ururing arom n akoi ma n tangira ake ko a tia ni kaotii ngkoangkoa.

Taian Areru 25:6 ပူးပေါင်းရင်းမြစ်များ

Karikani B'aai 24:27

Ao e taku, “E na neboaki te UEA, ae Atuan au toka are Aberaam, ae bon kakaonimaki ni kakoroa bukin ana Berita ma au toka. E a tia ni kairai raoi te UEA nakoia ana koraki au toka.”

Karikani B'aai 32:9

Ao e tataro Iakob'a ao e taku, “Atuan tibuu are Aberaam, ao Atuan tamau are Itaaka, ongora irou. Ko tuangai te UEA b'a N na nako n okira abau nakoia au koraki, ao Ko na kanakoraoi b'aai ni kabane i buku.

2.Rongorongo 6:42

Ko na ururinga am tangira ngkoa nakon am toro are Tawita, B'a ko aonga n aki tannako mairouia am uea aika ko rineia.

Neemia 13:22

I tuangiia kanoan Rewi b'a a na katabuia ao a na teiakin taiani mataroa n te Taabati, b'a e aonga n teimatoa tabuna. E bon akoi ni koaua te Atua, ao I tataro b'a e na karaoa ae e raoiroi nako iu ma ni kakab'aiaai ngkai I a tia ni karaoa aei.

Neemia 9:19

I bukin am nanoanga ae moan te korakora ao ko aki roko n te kiitaniia i nanon te rereua. Ko aki toki ni kaiririia n te nang n te ngaina ao n te ai n te tairiki.

Taian Areru 103:17

E teimatoa ana ataataiaomata te UEA nakoia akana karinea; Ao E teimatoa arona n raoiroi nakon te rorona ma te rorona

Taian Areru 103:4

E kawakina maium man te mate, ao E kakab'aiako n ana tangira ma ana nanoanga.

Taian Areru 106:1

Kam na kamoamoa te UEA! Katituaraoa te UEA, b'a E raoiroi: akea tokin ana atataiaomata.

Taian Areru 106:45

E uringa ana boraraoi i bukiia, ao E bita nanona n nanoanga n ai aroni m'aitin ana ataataiaomata;

Taian Areru 107:1

Kam na katituaraoa te UEA, b'a E raoiroi; Akea tokin ana ataataiaomata.

Taian Areru 119:77

Nanoangaai, ao N na maiu: b'a bon au b'ai ni kukurei am Tua.

Taian Areru 40:11

Te UEA, I ataia e na bon aki kona n toki am nanoanga nako iu; N na kawakinaki raoi iroum, B'a Ko tangirai ao Ko kakaonimaki nako iu.

Taian Areru 69:13

Ma ngai, N na tataro nakoim, te UEA; Ko na kaekaai, te Atua, n am Tai are Ko taku. Ko na kaekaai ni m'aitin am Tangira, ngkai ko kawakina am berita ni koauan am Kamaiu.

Taian Areru 69:16

Te UEA, Ko na ongo irou, n raoiroin am Tangira ae teimatoa; Ko na tanimai nako iu ni m'aitin am Nanoanga!

Taian Areru 98:3

E kateimatoa ana berita nako ia te botannaomata ae Iteraera ma te karinerine ao ana Tangira i bukiia. A bane aomata nako n nora aron Atuara ni kamaiuia ana Aomata.

Te Otinako 15:13

Ko kakaonimaki nakon Am berita, ao Ko kairiia aomata ake Ko kamaiuia; Ko kaawakiniia ni korakoram ni karokoa rokoia i abam are tabu.

Te Otinako 34:6

Ao i mwiina, e ri matan Moote ao e weewete ni kaangai, “Bon te UEA Ngai ae te Atua. I nanoanga ao I taotaonaki n nano nakoia au aomata. I kaota nakoim te tangira ae e korakora, ao te kakaonimaki.

Itaia 55:7

Kaaki kawaim nako aika b'aoua ao am iango aika a buakaka. Okira te UEA ae Atuara. E na nanoangaiko ao ane E na kab'arai am bure nako.

Itaia 63:15

Taiaoka te UEA, taratara rikaaki man am tabo ane e tabu ma ni mimitong ane mwengam ane n taiani karawa ao noora te b'ai ae e riki. Ko a aki tangiria? E ngaa m'aakam? Kaotia b'a ko bon tabeakiniira ao ko nanoangaira!

Ieremia 31:20

Kaain Iteraera, bon natiu ngkami aika kam rangi n tangiraki. E koaua b'a I aki tangiringkami nakon b'aai nako? Ngke I aki toki ni karawaawataingkami, ma I tangiringkami b'a kam na meemena i rarikiu, b'a I aonga nanoangaingkami. Bon aio Au taeka Ngai ae te UEA.

Ieremia 33:11

b'anaan te kukurei ao karongoaan taiani bootaki ni kukurei ma taiani baka ni mare. Ao ngkana a rin n au Tembora b'a a na anga karea i bukin kakukureiau, ao ko na ongo ae e kaangai irouia: “Ti neboiko, te UEA ae Moan te M'aaka! Ko karaoa ae e raoiroi nakoira, ao e bon aki konaa ni matebuaka Am tangira.” E na manga okira arona te aba ni kariki uaa.

Taniera 9:18

Ongo iroura te Atua; taraira ao noori ara kaangaanga aika ti mena i buakoia, ao rawaawatan te kaawa are e uouota Aram. Ti tataro nakoim i bukina b'a Ko akoi, tiaki i bukina ngke ti a tia ni karaoa te eti.

Ab'akuka 3:2

Te UEA, I a tia n ongo baika Ko a tia ni karaoi, ao I onrake n te maaku. Ngkai ti maiu ao baike Ko a kaman kakaraoi. Ko na nanoanga, e ngae ngkana iai unin nanom.

Ruka 1:50

E nanoangaia aomata ake a karinea man te rorona nakon te rorona.

Ruka 1:54

E buokia Iteraera ake ana toro, ao ni kateimatoa ana nanoanga nako ia ana aomata n aki toki,

Ruka 1:78

E nanoanga man akoi Atuara, Ao E na kaota otan ana kamaiu b'a e na oota nako

2.I-Korinto 1:3

E na karaoiroaki te Atua, ae Taman ara UEA are Iesu Kristo, ao Taman te nanoanga ni kabane, ao Atuan aaro ni karaunano ni kabane,

I-Biribi 1:8

B'a au tia kakoaua te Atua, b'a I tangiringkami ni kabaneingkami n ai aron tangirami irouni Kristo Iesu.

I-Biribi 2:1

Ma ngaia aei, ngkai e reke karauan te nano irouni Kristo, ngkai iai kaungaan te nano n te tangira, ngkai iai te i-raorao ma te Tamnei, ngkai iai te ataataiaomata ma te nanoanga,

I-Korote 3:12

Ma ngaia aei, ngkai ana aomata te Atua ngkami aika kam rineaki, aika kam itiaki ma n tangiraki, ao kam na b'aina te nano n nanoanga, te atataiaomata, te nanorinano, te nimamannei, te taotaonaki n nano.

1.Ioane 3:17

Ma ane iai ana b'ai aika b'ain te maiu aei, ao ngkana e nora tarina b'a iai kain nanona, ma e aki nanoangaia, ao e na kanga n taku b'a e mena i nanona tangiran te Atua?