Taian Areru 24:1 - Te B'aib'ara

¹ Bon ana b'ai te UEA aaba nako, ma kanoaia; te aonnaba ma ake a maeka iai.

Taian Areru 24:1 ပူးပေါင်းရင်းမြစ်များ

1.Rongorongo 29:11

E korakora m'aakam, ao e noraki mimitongim n taabo ni kabane i karawa ao i aonaaba,

1.Rongorongo 29:16

Te UEA ae Atuara, ti uotimai b'aai aikai ni kabane i bukin katean am Tembora are b'ain neboam. Bon am b'ai, ake ko anganiira.

2.Rongorongo 25:9

Ao e kaeka Amatia ni kaangai, “Ao tera ae n nang karaoia n taian tirewa ake I kabooia iai kaain te taanga ni buaka aei?” Ao e taku te burabeti, “Ane e na kaoka ae e m'aiti riki te UEA nakon ane ko a tia ni kabanea ni kabooia iai tautia.”

Iobi 34:13

E koaua b'a E karekea m'aakana te Atua mai roun temanna? E koaua b'a iai ae anga te aonnaba nakon te Atua b'a E na taua taekana?

Iobi 41:11

A bane ni kabuanib'ai aika buakanna. Bon akea ae kona ni karaoa aei n te aonnaba.

Iobi 41:3

E kona ni bubutiiko b'a ko na kainaomata? E kona n ononiiko b'a ko na nanoangaia?

Taian Areru 50:10

B'a bon au man manin nako te buakonikai, ma maan aika manana aika mena i aoni maunga aika tengaa.

Taian Areru 50:12

Ngkana tao I baki, ao N na aki tuangko; B'a bon au b'ai aonnaba ma kanoana ni kabane.

Taian Areru 89:11

Am B'ai karawa ma aon te aba; Ko karaoa aonnaba ma b'aai ni kabane ake iai.

Taian Areru 89:12

Ko kariki aaba nako i aang ao nako aiaki; A anene ni kim'areirei nakoim Tabora ma Oman.

Taian Areru 98:7

Ke e rurunga nanoni marawa, ma kanoana, anene, aonnaba, ma akana maeka iroum!

Te Otinako 19:5

Ao ngkai, ngkana kam ongotaeka i Rou, ma ni kaawakin au berita, ao kam na riki b'a au aomata. Au b'ai te aonnaba ae b'anin, ma ngkami kam na riki b'a Au aomata aika rineaki,

Te Otinako 9:29

E taku Moote nako ina, “N na tabeka baiu ma n tataro nakon te UEA bon n te tai naba are ti otinako man te kaawa aei iai. E na toki te baa ao e na akea riki te karau te aiti, b'a ko aonga n ataia b'a bon ana b'ai te UEA te aonnaba.

Taniera 4:25

Ko na kakioaki nako man te kaawa, ao ko na maeka ma maan aika a moaanti. Ko na kang uteute n ai aron te kao, ao ko na matu n te tabo ae e katawanang, n te aro are e na ruoniko te aoi, ao e na riki aei nakoim i nanon itiua te ririki. Ao ko na okira te Atua n tokina, ao ko na kakoaua b'a boni Ngaia ae E taua taekan ueaia aomata ni kabane, n te aro are E kona n anai ao ni manga anganiia tabem'aang ake E bon taku.

Mika 4:13

E kaangai te UEA, “Kam na nako n oreia ami kairiribai ngkami aika kaain Ierutarem! N na kakorakorako n ai aron te kaom'aane ae iai korona aika biiti, ao iai naba ana kau ni wae ae te buraonti. Ko na kamanatuaia botannaomata nako, ao ko na uotii mai nako iu Ngai ae UEAN te aonnaba ni kabane, kaub'ai ake a reke mairouia botannaomata ake a konaiia n te buaka.”

Naum 1:5

A m'aiei maunga i matan te UEA, ao a rannako tabuki. E ingiing aonteaba ni kaotin te UEA. A na ruru aonteaba ma aomata ake iai.

1.I-Korinto 10:26

B'a e kangai te B'aib'ara: “Bon ana b'ai te UEA aaba nako ma kanoaia.”

Te Tua-Kaua 10:14

Ana b'ai te UEA ae Atuami b'aai ni kabane, tiaki ti Ana b'ai te aonnaba ma kanoana ni kabane, ma bon Ana b'ai naba eta ma taiani karawa ake kabanea n rietaata.