Taian Areru 23:6 - Te B'aib'ara

⁶ I kakoauaa b'a am Raoiroi ma am Tangira a na bon irirai ni maiu n taai nako; ao am auti e na riki b'a mwengau n aki toki.

Taian Areru 23:6 ပူးပေါင်းရင်းမြစ်များ

Taian Areru 103:17

E teimatoa ana ataataiaomata te UEA nakoia akana karinea; Ao E teimatoa arona n raoiroi nakon te rorona ma te rorona

Taian Areru 16:11

Ko na kaota nako iu te kawai are e nakon te maiu; E kaonai n te kukurei rokom ao e anganai te kakatonga n aki toki.

Taian Areru 17:15

Ao ngai, ae N na noriko, b'a akea au bure ae I karaoia; N na kukurei n norani buram ngkana I uti.

Taian Areru 21:4

E butiko te maiu, ao Ko anganna ae ananau ae akea tokina.

Taian Areru 27:4

Teuana te b'ai ae I butia iai te UEA, ae te b'ai ae I tangiria: b'a N na maeka n ana auti ni kabanea bongini maiu, ni mamatakuakina kamimiin raoiroina, Ao ni bubutiia ana kairiiri.

2.I-Korinto 1:10

are ti kamaiuaki i Rouna man te mate are moan te kakamaaku, ao E na boni manga kamaiura naba maiai; ti a tia ni kawenea ara kaantaninga i Rouna b'a E na boni manga kamaiura naba,

2.I-Korinto 5:1

B'a ti ataia b'a ngkana e uruaki te um'a n rianna ae i aon te aba ae nera ni maeka, ao bon iai te auti mairoun te Atua, ae te nne ni maeka ae aki karaoaki ni baiia aomata, ae te auti ae aki kona n uruaki, are i karawa.

I-Biribi 1:23

Ma e katikaki nanou ni baika uoua, b'a I kan nako ni mena irouni Kristo; b'a moan te raoiroi aei.

2.Timoteo 4:18

E na boni kainaomataai te Uea man aaro nako aika bubuaka, ao E na kamaiuai ma ni karinai i nanoni ueana are i karawa. Bon ana b'ai te neboaki n aki totoki. Amen.