Taian Areru 22:6 - Te B'aib'ara

⁶ Ma tiaki te aomata ngai, b'a bon te m'ata, ae e kakeaki bonganana ma n riribaaki irouia aomata nako.

Taian Areru 22:6 ပူးပေါင်းရင်းမြစ်များ

2.Rongorongo 14:11

E tataro Ata ao e taku: Te UEA ae te Atua, bon ti ngkoe ae ko konaa ni buoka te taanga ni buaka ae akea korakorana ma ni katokanikaia i aon ae korakora. Ma ngaia ae, ti onimakinna b'a ko na buokiira. Ti na buakana te taanga ni buaka ae korakora aei i bukin neboan aram, ao ti ataia b'a ko bon aki konaa ni konaaki. Bon te UEA ae Atuara ngkoe.

Iobi 25:6

Ao ai tera riki aron te aomata i matana ngkai bon te ino, ao maiun te aomata ngkai bon te m'ata?

Taian Areru 25:3

A aki kona ni konaaki akana onimakiniko irouia aiaia; ma ti te koraki ake akea nanoia b'a ti te kan ekiko nako.

Taian Areru 31:1

Te UEA, I nakoim i bukini kamanoau; N na bon aki maneang iroum. Kamaiuai ngkai te Atua ae e raoiroi Ngkoe.

Taian Areru 31:11

A taku ake a ribaai b'a akea wareu, ai moa ra riki ake a maeka i rarikiu; ao a makai te koraki ake a ataai; a biri nako ngkana a norai n te kawai.

Taian Areru 41:5

A atonga ae buakaka au kairiribai ni kaangai, “N ningai ae e na mate iai, n aki manga uringaki?”

Taian Areru 88:8

Ko kararoaia raou mairou; Ko karaoa ae N na bati n ribaki irouia. I kainaki ao I aki kona n oti nako;

Itaia 41:14

Kaain Iteraera kam na aki raraoma, ngkana a kaangai tem'angina, Bon ti te m'ata Iteraera!” Bon Atuan Iteraera ae e tabu Ngai, ae E kamaiuko ma ni kaawakiniko.

Itaia 49:7

Iteraera, bon te UEA Ngai ae te Atua ae e tabu, are e kamaiuko. Bon te toro ngkoe irouia taan tautaeka ao taian botannaomata ake a kabuaakakako.

Itaia 53:3

E ririibaaki ao e katinanikuaki; e onrake maiuna n te nanokawaki ao te rawawata ae e kakamaaku. Bon akea temanna ae e kan tarataraia. Ti kabuakaka ao ti kaangai, “Te aomata n aki akaaka!”

B'aeb'aeti 3:30

Ti na kariaia te kab'ainrangaki ma te oreaki.

Mataio 11:19

E roko Natin te aomata n am'am'arake ma ni momooi, ao a kangai, Noria, te aomata ae buabeka ao te tia korowawa ni mamanging; raoraoia taan anai taekiti ma aomata aika buakaka. Ma e ngae n anne, ao rabakaun te Atua e a kaotaki b'a e koaua n uaana.

Mataio 12:24

Ma ngke a ongo B'aritaio, ao a taku, “E kanakoia taimonio Teuaei ti ni m'aakan Beretebub'a are aia uea taimonio.”

Ioane 7:15

A mimi i rouna I-Iutaia, ao a taku, “E kanga n reke rabakaun te aomata aei, ao E aki rereireiaki?”

Ioane 7:20

A kaeka aomata ao a taku, “Iai iroum te burababa; antai ae ukoukora kamateam?”

Ioane 8:48

A kaeka I-Iutaia ao a taku nakon Iesu, “Tiaki b'a e eti ara taeka ngke ti taku b'a te I-Tamaria Ngkoe, ao iai iroum te taimonio?”

Ebera 13:12

Ao anne bukin are E maraki ma ni mate iai Iesu i tinanikuni mataroan te kawa, b'a e aonga ni katabui maiuia aomata b'a ana b'ai te Atua n oin raraana.

Te Kaotioti 15:3

Ao a anenea ana anene Mote are ana toro te Atua, ma ana anene te Tiibuteteei, ao a kaangai, “Te Uea ae te Atua, ae Moan te M'aaka, A kakannato am m'akuri ao a kamimii! A eti ma ni koaua arom, Ngkoe ae aia Uea botannaomata!