Taian Areru 22:26 - Te B'aib'ara

²⁶ A na am'arake ni katoki nanoia akana akea aia b'ai; Ao a na kamoamoa te UEA akana kawaria. A bia anganaki kukurein nanoia n aki toki.

Taian Areru 22:26 ပူးပေါင်းရင်းမြစ်များ

1.Rongorongo 29:10

Ao e anenea te anene n nebo nakon te UEA Tawita i mataia aomata ni kabane: I neboiko n taai nako, te UEA! Bon te Atua ngkoe are ko tataromauriaki iroun ara bakatibu are Iakob'a

Taian Areru 107:9

E katoki takaia akana kani moi, ao E kanuaia akana baki ni baika raraoi ake a kang.

Taian Areru 116:14

N aia tai ni bootaki ae ab'ab'aki ana Aomata, ao N na kakoro bukini baike I a tia n atong ake au taeka ni bau b'a N na karaoi.

Taian Areru 116:18

N na kakoro bukini baike I a tia n atong n au taeka ni bau nakon te UEA ngkana a bootaki am aomata

Taian Areru 40:10

I aki karaba taekan am Kamaiu ni kainna i nanou; I tataekina am Kakaonimaki ma kamaiuan te aba iroum. I aki karaba taekan am Kakaonimaki ma am Atataiaomata nakoia am Aomata n aia tai ni bootaki.

Taian Areru 40:16

A na bane ni kakatonga ma ni kukurei akana nakoim. A na aki toki akana kainanoa am Kamaiu ni kaangai, E na neboaki te UEA!

Taian Areru 50:14

E na riki ami katituaraoi b'a ami karea nakon te Atua, Ao kam na kakoro bukin ami taeka ni bau nakon Teuare Moan te Rietaata.

Taian Areru 69:32

Ane a na kukurei akana a b'ainikirinaki ngkana a nora kamaiuau; A na kauungaki nanoia akana taromauriko.

Itaia 25:6

E na katauraoi am'arake aika a rangi n raraoi te UEA ae Moan te M'aaka i bukin te baka n am'arake i bukiia botannaomata. A na kabutaki wain aika a rangi n raoiroi ao iriko ni man aika kabanea n tamaroa.

Itaia 65:13

Ma ngaia are, I tuangngkami koraki aika kam taromauriai ma n ongotaeka nako iu b'a a na m'aiti kanami ma nimami, ma kam na baki ao n taka. A na kukurei ngaiia, ma kam na rawaawata ngkami.

Iona 2:10

Ao te UEA, E tuanga te ika b'a e na mumutaa Iona i aon te bike, ao e karaoa tuangana te ika.

Ioane 4:14

ma ane moi n te ran ae N na anganna, ao e na bon aki manga taka. B'a te ran ae N na anganna, e na riki b'a te m'anib'a n ran i nanona are na koburake ao e na anganna te maiu are aki toki.”