Taian Areru 22:2 - Te B'aib'ara

² Atuau, I weteiko ni ngaina ao ni bong, ma Ko aki kaekaai; ma ngaia ae I aki kona n rau.

Taian Areru 22:2 ပူးပေါင်းရင်းမြစ်များ

Taian Areru 42:3

Bon ti kanau rannimatau ni ngaina ao ni bong; Ao a aki toki ni kaangai nako iu au kairiribai, “E nga Atuam?”

Taian Areru 80:4

Te UEA ae Te Atua are Moan te M'aaka, e na toki ningai unim n aia tataro am aomata?

Taian Areru 88:1

Te UEA ae te Atua, ae au tia kamaiu, I tang nakoim ni ngaina ao ni bong.

B'aeb'aeti 3:44

A nimaatenten nangin unim n te aro are e a tuuka ara tataro nakoim.

B'aeb'aeti 3:8

I takaaruaea buokau, ma E aki kan ongo te UEA;

Mataio 26:44

Ma ngaia are E a manga kitaniia, ao E nako n tataro te katenua n tai, ao E atongi taeka naba ake E a tia n atong.

Ruka 18:7

Ao te Atua, tiaki E na iri taangaia ake a rineaki i Rouna, ake a tangitangira buokaia ni ngaina ao ni bong? E na kamanna n aki kaekai tangitangiia?

Ruka 6:12

Ni boong akekei, ao E nako Iesu nakon te maunga b'a E na tataro iai, ao E kangainaa n tataro nakon te Atua.

1.I-Tetaronike 3:10

Ti tataro ni bubuti ma nanora n te ngaina ao n te bong b'a ti na nori matami, ma ni karokoraoa ae aki roko raoi n ami onimaki.

2.Timoteo 1:3

I katituaraoa te Atua, ae I toro i rouna ma mataniwin nanou ae itiaki, n ai aron are a karaoia naba au bakatibu. I katituaraoia n taai nako ake I uringko iai n au tataro n te ngaina ao te bong.