Taian Areru 22:16 - Te B'aib'ara

¹⁶ A otab'aniniai te bootaki n aomata ae buakaka b'a kanga ai aroia kamea; a ewari baiu ma waeu.

Taian Areru 22:16 ပူးပေါင်းရင်းမြစ်များ

Taian Areru 22:1

Atuau, Atuau, Ko aera ngkai Ko kitanai? I tang ni korakai ni kainanoa buokau, ma akea ae roko.

Taian Areru 22:20

Kamaiuai man te kabaang; Kamaiuai mairouia kamea aikai.

Taian Areru 38:11

A kararoaai raoraou ma ake a maeka ni kaan ma ngai i bukin aorakiu; ao a kararoaai naba au utu mairou.

Taian Areru 59:14

A oki taan ribaai n te tairiki, ao a karongoa n ai aroia kamea aika aiwaa i nanon te kaawa:

Taian Areru 59:6

A oki n te tairiki, ao a karongoaea te aba kanga ai aroia kamea aika aiwaa ni karongoa i nanon te kaawa.

Taian Areru 86:14

Te Atua, a roko n eekainako akana kainikatonga; A kani kamateai te koraki aika kakam'arua te koraki aika akea karineam irouia.

Itaia 53:5

E ikoaki ao e kamanatuaaki i bukin ara bure nako; e reke ae e riai i roura i bukina ngke E anaa tuuara.

Ieremia 12:6

E ngae naba ngkana bon am koraki ane a na manga kaaitarako. A na taraa n ae bon taian rao ni koaua ma ko na aki onimakiniia. Bon bukin m'anangaia b'a a na kam'aneko, ao ai aroia aomata ni kabane.

Tekaria 12:10

Boni Ngai ae te UEA ae N na karaoa ana kariki Tawita ma kaain Ierutarem b'a a na rangi n nanokawaki ao a na tataro ngkana a noora te aomata are e ewaraki n te kainiwai. A na tang ma n tanginiwenei i bukina, kaanga kaaro aika a tang i bukin maten natiia te rikitemanna ke aia karimoa.

Mataio 26:57

Ao uake a taua Iesu a kairia nakon ana auti Kaiaba are aia mataniwi ibonga, ike a botaki iai taani koroboki ma unimm'aane.

Mataio 27:35

Ao ngke a tia n taura Iesu n te kaibangaki, ao a tib'ai kunnikaina i marenaia n te aro ni kaiwa.

Mataio 7:6

Tai angania kamea te b'ai ae katauaki i bukin te Atua, ane a na rairaki n un nako imi; ao tai tetewe nako ami atibu aika rangi ni kakawaki nako mataia beeki, b'a a kawa n toubekaki i aani waeia.

Mareko 15:24

A katinea i aon te kaibangaki, ao a kakaaea n te m'akuri ni kaiwa b'a antai ae na reke tib'ana n ana kunnikai Iesu; ao a karaoa aei b'a aia kawai n tib'atib'ai kunnikaina.

Ruka 23:23

Ma a kakorakorai b'anaaia n takaarua n tuanga Birato b'a E na kamatea Iesu n te kaibangaki. Ao a tokanikai b'anaaia.

Ruka 23:33

Ao ngke a roko n te tabo are aranaki b'a te “Tab'anou,” ao a tauria iai n te kaibangaki; a tauriia naba n te kaibangaki taani kam'arua akekei, temanna i rarikin Iesu man te angaatai, ao temanna i rarikina man te angamaing.

Ioane 19:23

Ma ngaia are, ngke a tia tautia n taura Iesu n te kaibangaki, ao a anai kunnikaina ni karaoi aua te tib'a mai iai: teuana tib'an temanna te tautia. A karaoa ae aron naba aei nakon ana kabaraki; ao ana kabaraki arei, e aki karaoaki mani m'akorokoro ni kunnikai aika ituaki, ma bon ti teuana ni kunnikai ae rarangaaki mai eta nako nano.

Ioane 19:34

ma e ewara rarikina temanna irouia tautia n te kainiwai, ao e waanako naba ngkekei te raraa ma te ran.

Ioane 19:37

Ao e kaangai naba te taeka teuana n te B'aib'ara, “Ane a na tara Teuare a ewaria.”

Ioane 20:25

Ma ngaia are, a taku nakoina reirei akekei, “Ti a tia n nora te Uea!” Ma e taku Toma nakoia, “Ngkana I aki noori mwin neera i baina, ao I aki karina tabonibaiu i nanoni mwin neera, ao ngkana I aki karina baiu i nanon rarikina, ao I bon aki kona ni kakoauaingkami.”

Ioane 20:27

Ao i mwina E taku nakon Toma, “Kaki tabonibaim ikai, ao tarai baiu; ao arora mai baim ao karinna i nanon rarikiu; kaaki arom n aki onimaki, ao b'aina te onimaki.”

I-Biribi 3:2

Kam na kawakiningkami mairouia te koraki aika karaoi baika bubuaka, aika te koraki aika ai aroia kamea, aika tangira te rab'ata b'a e na kaikoakaki ni korokoreaki.

Te Kaotioti 22:15

Taani mena i tinanikun te nono bon te koraki aika baba n tangira te kammaira ma te wene ni bure; ao raoia bon taan tabunea, ma taani kamateia aomata, ma taan taromauri bouananti, ma akana tatangira taekinan te kewe ma karaoana naba.