Taian Areru 22:11 - Te B'aib'ara

¹¹ Tai kararoako mairou! B'a e a kaan karawawataau, ao akea temanna ae na buokai.

Taian Areru 22:11 ပူးပေါင်းရင်းမြစ်များ

2.Uea 14:26

E buoka Ieroboam te UEA ni karaoa aei i bukina ngke e bon noori kamaamaten rawawataia Iteraera, n te aro are ti te bo te toro ma te inaomata, ao bon akea ae e tiku b'a te tia buokiia.

Taian Areru 10:1

Te UEA, Ko aera ngkai Ko kararoako? E aera ngkai Ko karabako ngkae I a reke n te kaangaanga?

Taian Areru 35:22

Te UEA, Ko noori b'aai nako! Ma ngaia ae tai kainab'aabu. Tai kararoako!

Taian Areru 38:21

Te UEA, tai kitanai; tai kararoaai Atuau!

Taian Areru 69:18

Ko na nako iu, ao kamaiuai; Kamaiuai mairouia taan ribaai.

Taian Areru 71:12

Te Atua, tai kararoako mairou; Atuau, tai tab'ara ma nako mai buokai!

Taian Areru 71:6

E mena mwiokoni maiu iroum mai moana ni karokoa tokina; Ko a tia ni kakaawakinai man te tai are bungiaki iai. N na neboiko n taai nako.

Taian Areru 72:12

E kamaiuia akana kananoanga akana tangira ana buobuoki, ma aomata naba akana b'ainikirinaki ao akana a kakaki taekaia.

Itaia 63:5

Bon akea ae e mena ikekei ni buokai ke ni boutokaai, e tokanikai n te buaka anganibaiu ae e korakora man uniu.

Mataio 26:56

Ma a riki baikai b'a a na kakoauaki aia koroboki burabeti.” Ao a bane ana reirei ni kitanna, ao a biri nako.

Mataio 26:72

Ao e a manga kakewea naba ana taeka neierei, ao e taetae ni bau ao e kangai, “I bon aki ata Teuarei!”

Mataio 26:74

Ao e tabeki taeka ni karereanti bon i bukina ma n tuea, ao e taku, “I aki kinaa te aomata anne!” Ao e a tangi naba te moa,

Ioane 16:32

Noria, e a roko te aoa, ao e a boni kaman roko, are kam na kauamaaeaki nako iai nakoni mwengami nako, ao kam na kitanai ni katukai n ti Ngai; ma iai raou b'a Tamau.

Te Tua-Kaua 32:36

E na ti kona n nanoangaia te UEA ma n anganiia te motikitaeka ae eti ngkana ai ti tabeman ana Aomata, ao akea korakoraia ao a riki tabeman mai buakoia b'a buure, ao E a tib'a nanoangaia te UEA ao E a anganiia te motikitaeka ae eti.

Ebera 5:7

Ngke E maiu Iesu i aon te aba, ao E tataro ni bubuti ma te tang ae korakora ma ranni matana nakon Teuare kona te kamaiua man te mate, ao E ongo i Rouna i bukina b'a iai makan ma karinean te Atua i Rouna.