Taian Areru 22:1 - Te B'aib'ara

¹ Atuau, Atuau, Ko aera ngkai Ko kitanai? I tang ni korakai ni kainanoa buokau, ma akea ae roko.

Taian Areru 22:1 ပူးပေါင်းရင်းမြစ်များ

Iobi 3:24

Kanau ma nimau, bon te tanginiwenei ma te ngirangira,

Taian Areru 10:1

Te UEA, Ko aera ngkai Ko kararoako? E aera ngkai Ko karabako ngkae I a reke n te kaangaanga?

Taian Areru 16:1

Te Atua, ko na kamaiuai! I biri nakoim b'a I onimakiniko

Taian Areru 22:11

Tai kararoako mairou! B'a e a kaan karawawataau, ao akea temanna ae na buokai.

Taian Areru 22:16

A otab'aniniai te bootaki n aomata ae buakaka b'a kanga ai aroia kamea; a ewari baiu ma waeu.

Taian Areru 26:9

Tai taeai nako n ai aron taenakoaia taani bure ao tai katuaeai ma aika mate n aron are ko karaoia nako ia aomata aika taan tiritiri,

Taian Areru 37:28

E tangira te kaetitaeka ae eti te UEA, ao E aki kitaniia ana Aomata aika kakaonimaki: E kakawakiniia n aki toki, ma a na kakioaki nako aia kariki aomata aika buakaka.

Taian Areru 38:8

I nimamate ao a aki kona n tei waeu; I ngirangira i bukini kiriween nanou.

Taian Areru 71:11

A taku, “E a tia te Atua ni kitanna; ti na ri mwina n taua; akea ae na kamaiua.”

Itaia 46:13

N na waekoa n roko ni kamaiungkami. I a kaan ao N na bon aki kabane tai; I kakatia iroun Iteraera ao N na kamaiua Iteraera.

Itaia 59:11

Ti kungkung kaanga taiani bea ao ti tang kaanga taian taobe. Ti kaantaningaa te eti ao te tokanikai, ma a biri nako mairoura.

Nakoaia Ibonga 2:6

E na korokoreaki ni kauarerekeaki, ao e na kab'aroaki riki te b'a i aona. Ao anne ngkanne aron karaoan te karea are te uita nakon te UEA.

Mataio 27:46

Ao ngke tao te aoa tenua, ao E takarua Iesu n te b'ana ae korakora, ni kangai, “Eri, Eri, ram'a tab'aketani?” ae nanona, “Atuau, Atuau, E aera ngkai Ko kitanai?”

Mareko 15:34

Ngke e bo tenua, ao E takarua Iesu n te b'ana ae korakora, ao E kangai, “Eroi, Eroi, ram'a tab'aketani?” ae nanona, “Atuau, Atuau, e aera ngkai Ko kitanai?”

Ruka 22:44

Ngke E taonaki n te rawawata ae bati, ao E a kakorakora riki n tataro; ao maonona, a riki b'a kanga ai aron timtim n raraa aika buubura aika waanako ni b'aka i aontano.

Ruka 24:44

Ao E taku nako ia, “Aikai au taeka ake I atong ngkoa nako imi, ngke I memena i roumi, b'a e riai b'a b'aai ni kabane ake a taekinaki i buku n ana tua Moote ma aia boki burabeti, ao i nanon Taian Areru, a na bane ni kakoroaki bukiia.”

Ebera 13:5

A na akea ni maiumi te baki tianti, ma a na rauaki nanomi ni baika iai i roumi. B'a E a tia ni kangai te Atua, “N na bon aki kakiko, Ao N na bon aki kitaniko.”

Ebera 5:7

Ngke E maiu Iesu i aon te aba, ao E tataro ni bubuti ma te tang ae korakora ma ranni matana nakon Teuare kona te kamaiua man te mate, ao E ongo i Rouna i bukina b'a iai makan ma karinean te Atua i Rouna.

1.Tamuera 12:22

Ma E a tia n rineingkami te UEA b'a Ana aomata ni koaua. E na kakaawakiningkami n taai nako b'a kam aonga ni bane n ataa aroni korakorana.