Taian Areru 20:8 - Te B'aib'ara

⁸ Ane a na konaaki aomata akana a onimakin aia kaanibuaka ma aia aoti, ma ti na tokanikai ngaira.

Taian Areru 20:8 ပူးပေါင်းရင်းမြစ်များ

2.Uea 19:23

Ko kariaia am mataniwi b'a a na kakaewenakoai, Ngai ae te UEA. Ao aei te b'ai ae ko a tia n taekinna bon i bukim, “I kairiia au kaanibuaka nakon kabanean rietaatani maungan Reb'anon. I rinnakoa kabin buakonikaina, ma ni koroi ni kab'akai tiira ake kabanea n tamaroa, ao kaai aika m'aiango.

2.Rongorongo 14:10

E kaaitibo ma Ata ikekei, ao a katauraoi nakon te buaka taanga ni buaka aika uoua aikai n te M'arua are Tebata.

2.Rongorongo 14:11

E tataro Ata ao e taku: Te UEA ae te Atua, bon ti ngkoe ae ko konaa ni buoka te taanga ni buaka ae akea korakorana ma ni katokanikaia i aon ae korakora. Ma ngaia ae, ti onimakinna b'a ko na buokiira. Ti na buakana te taanga ni buaka ae korakora aei i bukin neboan aram, ao ti ataia b'a ko bon aki konaa ni konaaki. Bon te UEA ae Atuara ngkoe.

Etira 8:22

I mamaa ni buubutia te uea b'a e na kanakoia ana tautia ma ana taan toka i aoia aoti, b'a a na kaawakiniira mairouia ara kairiribai i aon kawaira. Ao i rarikin anne, ti a tia n tuanga te uea b'a Atuara e kaawakiniia aomata ni kabane aika a taromauriia ma te koaua, ao E bon un ma ni katuuaia aomata akana a rawa n ongotaeka Irouna.

Taian Areru 124:8

E reke buokara mairoun te UEA, are karaoa karawa ma aonnaba.

Taian Areru 125:1

Akana onimakina te UEA ai aron te maunga are Tion, are aki kona ni m'aing, are tei n nene ni matoatoa n aki toki.

Taian Areru 33:16

E aki tokanikai te uea i bukina b'a e korakora ana taanga ni buaka; Ao e aki tokanikai te tautia i bukini korakorana.

Taian Areru 33:17

A aki onimakinaki aoti b'a a na karekea te tokanikai n tain te buaka: A aki kona ni kamaiua te aba ni korakoraia ae bati.

Taeka n Rabakau 21:31

E bon teimatoa n tokanikai te UEA, e ngae ngkana iai aia aoti ami taanga ni buaka aika a tauraoi nakon te buaka.

Otea 14:4

Iteraera, kam a tia ni katinanikuai, ma e a toki uniu; N na kamaiungkami man tangiringkami n akea tiana.

Mika 7:8

Bon akea uaan ngareakinara irouia ara kairiribai. Ti a tia ni konaaki irouia, ma ti na manga tokanikai. Ti mena n te rootongitong ngkai, ma E na anganiira te oota te UEA.

Iotua 11:4

Ao a roko ma aia tautia ni kabane, ao bon te taanga ni buaka ae moan te korakora ae ai aron m'aitin tanon biken mataniwiin taari. Ao a uoti naba aia aoti ma aia kaa ni buaka aika a m'aiti.

Tani Motiki-taeka 5:31

Ti tataro nakoim, ara UEA b'a a na mate ara kairiribai ni kabane n ai aron Titera Ma Ko na karaneaneaia ni kabane n aron taai ngkana e a tib'a ingabong akana tangiriko. Ao e tiku n rau Iteraera i nanon 40 te ririki.

1.Tamuera 17:45

Ao e taku Tawita: Ao ngkoe, ko nakomai b'a ko na un ma ngai n te kabaang ma te kainiwai ma te biti ae uaitera wiina. Ma ngai, I nako im b'a n na un ma ngkoe n aran te UEA ae Moan te M'aaka. Bon Atuan aia taanga ni buaka Iteraera, ae ko a tia ni b'ainingareia naba!