Taian Areru 20:4 - Te B'aib'ara

⁴ E na anganiko baika a mamate nanom iai ao ni kakoroi bukin am babaire nako.

Taian Areru 20:4 ပူးပေါင်းရင်းမြစ်များ

2.Tamuera 24:23

Anai-b'ainii! Bon au kaantaninga b'a E na bon kukurei te UEA ae Atuam iroum.”

2.Rongorongo 9:12

Ao i mwiina, e a okinako neirei ma ana mataniwi nako abaia. A uoti taiani koora, kaai aika tuniba, ao taiani atiibu aika a tamaroa ana kaimoa Iram ma Toromon nakon te uea are Toromon man te aba are Obira. E kabonganai taiani kai Toromon i bukin karaoan taiani kaintam'arake i bukin te Tembora ma te bareti, ao taian aabi ao b'aai riki ni katangitang ake tabeua ake taiani karai i bukiia taani katangitang. A bon tuai kaakaraoaki b'aai aikai mai m'aaina i aon Iuta.

Taian Areru 145:19

E kareke baika a kai nanoia iai akana a karinea; E ongo tangiia ao E kamaiuia.

Taian Areru 21:2

Ko a tia n anganna te baere e tangiria nanona; Ko a tia n anganna baike e bubutiko iai.

Taian Areru 37:4

Karaoa ae E tangiria te UEA, Ao E na anganiko te b'ai ae e tangiria nanom.

Taeka n Rabakau 11:23

A tangiri b'aai aika a rangi n tamaroa aomata aika a raoiroi, ma a iaiangoa kateirakean te kakiriwe aomata aika taan iowawa.

Mataio 21:22

Ao te b'ai ane kam bubuti n te tataro, e na reke nako imi, ngkana iai ami onimaki.”

Ioane 11:42

Ao I ataia b'a Ko ongongo irou n taai nako: ma I atonga aei i bukiia aomata aika teitei ikai, b'a a aonga ni kakoaua b'a Ngkoe ae Ko kanakomaiai.”

Ioane 16:23

“Ao n te bong arei, ao akea ami titiraki ae kam na manga titirakinai iai. Bon te koaua ni koaua ae I a tuangngkami b'a ngkana kam butiia te Tama te b'ai teuana n arau, ao E na anganingkami.

Tani Motiki-taeka 13:23

Ao e taku buun Manoa, E na aki tiringiira te UEA, b'a E kukurei n ara karea ma ara uita are ti anga, ao E kariaia b'a ti na noori baika a kamimii. Ao i rarikin anne, E tuangiira naba b'a e na reke natira te m'aane.

1.Tamuera 26:19

Te uea ae ko karineaki, ongora nakon te b'ai ae N na taekinna. Ngkana bon te UEA ae e karaoiko b'a ko na eekainako, ao e na konaa ni bitaki nanona n te angakarea nakoina; ma ngkana arona b'a bon mairouia aomata ae e riki iai aei, ao ke a b'akariia ana kamaraia te UEA. B'a a tia ni kanakoai man aban te UEA nakon te aba ae e ti tataromauriaki iai antiia ianena.