Taian Areru 19:9 - Te B'aib'ara

⁹ Te b'ai ae e raoiroi karinean te UEA: E na kakaraoaki n aki toki. A eti ana Moti te Atua; a aki nanonano.

Taian Areru 19:9 ပူးပေါင်းရင်းမြစ်များ

Karikani B'aai 22:12

Ao E taku te anera, “Ko na tai kaikoaka te ataei, ke ni karaoa te b'ai teuana nakoina. I ataia ngkai b'a ko bon ongotaeka iroun te Atua, b'a ko aki taua natim te mm'aane ae te rikitemanna mai Rouna.”

Karikani B'aai 42:18

Ao e taku Ioteb'a nakoia n te katenibong, “Bon te aomata ngai ae I mamaaka te Atua, ao ti teuana te anga are N na kona ni kamaiu ngkami iai.

1.Uea 18:12

Tera ngke E waekoa n anaiko Tamnein te UEA n te tai are I kitaniko naba iai? B'a ngkana e roko Aaba n anaiko ao ko na bon aki reke i rouna. Ao ane e na manga bon tiringai. I bon tataromauria te UEA mangke te ataeinim'aane ngai.

Neemia 5:15

Taian kowana ni kabane ake i m'aaiu a bon karawaawataia aomata ni karaoia aomata b'a a na kabooi kanaia ma nimaia ao a tangira abwi te m'ane te tirewa ni katoa bong. Ao bon taian mataniwi naba aika a karawaawataia aomata. Ma I karinea te Atua, ao I taku b'a e aki riai te karawaawataia aomata.

Taian Areru 10:5

E totokanikai n ana waaki nako; ma E aki kona n oota n aron te Atua ni momotikitaeka, e aki toki ni mamataurikiia ana kairiribai.

Taian Areru 111:10

Ongeaba ao karinea te UEA! Bon aio te moani m'aneka nakon te wanawana ma te iango ae raoiroi. E na teimatoa ni karineaki te Atua.

Taian Areru 115:13

E na kakab'aiaia aomata n tatabemaniia nako aika karinea, aika kakannato ma aika mangori.

Taian Areru 119:1

A kab'aia akana a moa n raoiroi aroia, akana ongeaba nakon ana Tua te UEA.

Taian Areru 119:106

I a tia ni kab'aka au taeka, ao N na kakoaua b'a N na tou mwin am Babaire aika raraoi.

Taian Areru 119:111

A riki am Taeka b'a au b'ai n aki toki; A kakukureia nanou.

Taian Areru 119:142

E teimatoa am Raoiroi n aki toki; Ao e teimatoa koauan am Tua.

Taian Areru 119:39

Kamaiuai man taetae n iowawa aika I rangi n ribaai; Ai kamimiira am Moti!

Taian Areru 119:62

N na teirake n te nukanibong ni katituaraoiko i bukin am Moti aika raraoi.

Taian Areru 119:7

Ngkai I reirei am Moti aika raraoi, ao N na katituaraoiko ma nanou ni koaua.

Taian Areru 119:75

Te UEA, a eti am Moti; ao Ko aki kairua ngke Ko karawawataai.

Taian Areru 12:7

Te UEA, kawakiniira ao kamanoira, mairouia aomata.

Taian Areru 147:19

E anga ana taeka ma ana tua ma ana moti nakoia Iteraera.

Taian Areru 36:1

Akea karinean te Atua irouia taani bure; ti te bure kanoan aia iango.

Taian Areru 36:6

Ai aron te maunga ae te kabanea n rietaata am Raoiroi; Ai aron nanoni marawa ae nano am Kaeti-taeka. A mena aomata ma maan i aan am Tararua.

Te Otinako 21:1

Aikai tuua ake E anga te UEA nakon Moote i bukiia ana aomata:

Taeka n Rabakau 8:13

Ngkana ko karinea te UEA, ao ko na ribaa te buakaka. I ribaa te kamoamoa ao te kainikatonga ao te kewe ni kam'aam'ane.

Itaia 26:8

Bon temanna ae e onimakinaki b'a e na uota te eti; ao ti tangira riki neboan aram nakoni b'aai ni kabane.

Itaia 45:19

E aki taetae te UEA n taabo aika a roo aika a raba ke n tangiria kanoan Iakob'a b'a a na kua ni kakaaea. E na taekina te koaua te UEA ao aei te b'ai ae e taekinna

M'akuri 10:22

Ao ngaiia a kaangai, “Teuare Korenerio, are mataniwin te taanga ni buaka are tebubua kaaina, ae te aomata ae e raoiroi, ae rangi ni karinea te Atua, ae e kakamoamoaki arona irouia I-Iutaia ni kabaneia b'a te aomata ngaia ae e raoiroi, e tuangaki iroun ana anera te Atua b'a e na kaoko nakon ana auti b'a e na ongora n taeka mai roum.”

I-Rom 11:22

Ko nora ngkanne aron ana ataataiaomata te Atua ao arona ni matoatoa: E matoatoa nakoia ake a tia ni b'aka, ma E ataataiaomata nakoimi, ngkana kam teimatoa n onimakina arona nakoimi. Ma ngkana kam aki, ao ane kam na koreaki ni kaakaki.

I-Rom 2:2

Ma ti ata ana motiki-taeka te Atua b'a e eti nakoia akana karaoi baikai.

Te Kaotioti 15:3

Ao a anenea ana anene Mote are ana toro te Atua, ma ana anene te Tiibuteteei, ao a kaangai, “Te Uea ae te Atua, ae Moan te M'aaka, A kakannato am m'akuri ao a kamimii! A eti ma ni koaua arom, Ngkoe ae aia Uea botannaomata!

Te Kaotioti 16:7

Ao I ongo te b'anaa man te baonikarea, b'a e kaangai, “Eng, te Uea ae te Atua, ae Moan te M'aaka, a koaua am moti ao a eti.”

Te Kaotioti 19:2

b'a a koaua ana moti ao a eti. E a tia ni motika taekan te kabekaau are rangi n atoatongaki taekana, are te kabekaau are kam'araea te aba n ana wene ni bure; ao E a tia ni karekea kaina i bukina ngke e kamateia ana toro.”

1.Tamuera 12:24

Kam na riai n ongotaeka iroun te UEA Kam na riai n taromauriia ma nanomi ni kabane, ao uringi b'aai ni kabane aika ab'ab'aki ake E a tia ni karaoi i bukimi.