Taian Areru 19:7 - Te B'aib'ara

⁷ Moan te raoiroi ana Tua te UEA; E karika te maiu ae boou. E teimatoa n aki totoki ana taeka n reirei te UEA; E kawanawana ane e roo nanona.

Taian Areru 19:7 ပူးပေါင်းရင်းမြစ်များ

2.Tamuera 23:5

I a tia n tautaeka n te aro aei, ao E na bon aki kona n urua Ana berita nako iu. E a tab'anin raoi ana berita te Atua ao E aki konaa ni manga bitaki; E na bon teimatoa ni buokai ma n anganai te b'ai ae I kantaningaia.

Iobi 23:12

I karaoi Ana mwioko ni kabane ake E tuangai b'a N na karaoi.

Taian Areru 111:7

E kakaonimaki n arona nako ao E b'ab'aina te eti; A onimakinaki ana taeka ni bane.

Taian Areru 119:105

E riki am Taeka b'a kanga te taura ni kaota kawaiu n nakonako.

Taian Areru 119:111

A riki am Taeka b'a au b'ai n aki toki; A kakukureia nanou.

Taian Areru 119:130

E karekea ootan nanoia akana bangab'ai am Taeka, Ao e kawanawanaia naba.

Taian Areru 119:14

I a kukurei riki n iri nanon am Taeka nakon tangiran te kaub'ai ae bati.

Taian Areru 119:152

I atai am Taeka ma ngkoa: b'a Ko karaoi b'a a na teimatoa n aki toki.

Taian Areru 119:24

A kakukureiai am Taeka n reirei, ao a anganai naba taeka ni buobuoki.

Taian Areru 119:72

E manena riki nako iu am Tua are Ko anga, nakoni manenan te kaub'ai ae bati i aonnaba.

Taian Areru 119:9

E kanga n reke te maiu ae itiaki iroun te aomata ae e a ikawai? Tii ngkana e ongeaba nakon am Taeka.

Taian Areru 18:30

Te Atua aio, moan te raoiroi arona; A onimakinaki ana taeka! Ai aron te otanga nakoia ake a kataniia i rouna.

Taian Areru 23:3

E anganai te marurung ae boou. E kairiirai i nanoni kawai aika eti, n aron ana taeka ni berita.

Taian Areru 93:5

Te UEA, a koaua am Taeka n taai nako, ao e koaua ae e tabu am Tembora, n tai nako ao n aki tootoki.

Taeka n Rabakau 1:4

E na konaa te aomata n aki akaaka n reireinna arona ae e na taraa raoi iai, ao a na konaa rorobuaka n ataei ni karekea te rabakau ao te iango ae e tamaroa.

Itaia 8:16

A na riai ni kanikinaeaki au rongorongo man anganaki au reirei.

Itaia 8:20

b'a tera ae e na karaoia.” Bon akea mai buakoia aika a konaa n taetae n aron anne ae e na maiu ma n noora ootan te bong!

Ioane 5:39

Kam ukeuke n te B'aib'ara b'a kam taku b'a e na reke mai iai iroumi te maiu are aki toki; ao boni ngaia are kaotioti i buku;

M'akuri 10:43

A bane burabeti ni kaotiota taekan Iesu, b'a ane onimakinna ao e na reke i rouna kab'aran ana bure n arana.

I-Rom 12:2

Tai katotonga aroni katein te maiu aei; ma a na bitaki tein ami iango man are kam tataneiai iai, b'a kam aonga n ata raoi aroni karaoan te bae e raoiroi ma ni kakukurei nakon te Atua.

I-Rom 15:4

B'a b'aai ni kabane ake a koreaki ngkoa a koreaki i bukin reireiara, b'a e aonga n reke iroura te kaantaninga n taekan te taotaonaki n nano ma te kaunga nano n te B'aib'ara.

I-Rom 3:2

E bati n aaro nako. B'a mai moana ao E mwiokoia I-Iutaia te Atua b'a a na kawakina ana taeka.

Te Tua-Kaua 32:4

Bon te b'a ae korakora te UEA, ao e aki roko n te karaoa te kaairua. E kona n onimakinaki n taai nako b'a boni Ngaia are E kona ni uota te motikitaeka ae eti.

I-Korote 3:16

E na titiku ni maeka ana taeka Kristo i nanomi; ao kam na anenei taekan Taian Areru ma anene ma kuuna aika kam kairaki iai iroun te Tamnei; kam na anene nakon te Atua ma te nano ni katituaraoi.

2.Timoteo 1:8

Ko na tai mamaa n taekina taekan ara Uea, ao ko na tai mamaa naba i rou, ngai ae I kabureaki i bukini Kristo; ma ko na buokanib'ai ma ngai ni maraki i bukin te euangkerio, ni m'aakan te Atua;

2.Timoteo 2:19

Ma te aana ae matoatoa are ana aana te Atua e bon aki kona ni kam'aingaki; ao a koreaki i aona taeka aikai: “E bon ataiia ana aomata te Uea” ao “A na bane ni kitana te buakaka akana m'anewea aran te Uea.”

Iakobo 1:17

B'aai ni kabane aika raraoi ma ni moanibaan te raoiroi boni b'aai n tituaraoi mai eta, aika ruo mairoun Taman te oota, are akea i rouna te bibitaki are e na reke mai iai te nu ae roo.

Iotua 1:8

Ko na kakoaua raoi b'a e na riai ni wawarekaki bokin te tua n taai nako n tain te taromauri. Kamateb'aia te tua ni bong ao ni ngaina, ao kakaonimaki ni karaoi b'aai ni kabane akana a koreaki iai. Ao ko na bon kakab'aia ma n tekeraoi.

Te Kaotioti 19:10

Ao I katorobubua ni bobaraaki i rarikini waena b'a N na taromauria. Ao e taku nako iu, “Tarataraiko b'a ko na aki taromauriai; bon raom n toro ngai, ao raoia naba n toro tarim ake a teimatoa n taua te koaua are E kaotiotia Iesu. Ko na taromauria te Atua n tii Ngaia; b'a te koaua are E kaotiotia Iesu boni ngaia ae angania ana aomata te Atua te kona n taetae ni burabeti.”