Taian Areru 19:14 - Te B'aib'ara

¹⁴ A bia riki au taeka ma namakin aika nako mai nanou b'a kakukureiam, te UEA ae te tia kamanoai ao au tia kamaiu!

Taian Areru 19:14 ပူးပေါင်းရင်းမြစ်များ

Iobi 19:25

Ma I ataia b'a n tokin aei, ao iai temanna ae na roko mai karawa n tei i buku.

Taian Areru 104:34

E bia kukurei n au iango, ngkai kukureiu boni mai Rouna.

Taian Areru 119:108

Te UEA, butim'aea au karea ae b'anaau ni katituaraoiko, Ao reireiai am Tua.

Taian Areru 51:15

Buokai b'a N na taetae, Ao N na neboiko.

Taeka n Rabakau 15:8

E aki kukurei te UEA n aia b'aintangira aomata aika a buakaka, ma e kakukureiaki ngkana a tataro ana aomata.

Itaia 43:14

Bon Ngai ae te UEA ae N na kamaiungkami! Bon Atuan Iteraera ae e tabu Ngai, N na kanakoa te taanga ni buaka nako B'aburon i bukimi b'a e na uaakiniia nako aomatana, ao a na tang ngke e tabe n nako.

Itaia 44:6

Bon te UEA Ngai ae Moan te M'aaka, Te moa ao te toki, ae ti Ngaia te Atua ae ti temanna. Iteraera, I a tia ni kamaiuko! Bon am Uea Ngai.

Itaia 47:4

Bon te UEA Ngai ae Moan te M'aaka, Atuan Iteraera ae e tabu. Boni Ngai aia tia kamaiu.

Itaia 54:5

E tautaekana te aonnaba ni kabane te UEA ae Moan te M'aaka ae Atuaia Iteraera ae e Tabu. Bon te tia karikiko ao buum, ao e na bon kamaiungkami.

I-Rom 15:16

b'a ana tia m'akuri Iesu Kristo ngai i bukiia aomata aika tiaki I-Iutaia. I m'akuri b'a ai aron te ibonga ngai n tataekina ana euangkerio te Atua, b'a a aonga n riki aomata aika tiaki I-Iutaia b'a ai aroni karea aika E na kukurei te Atua i rouia, aika a tia ni katabuaki i bukina iroun te Tamnei are Raoiroi.

1.I-Tetaronike 1:10

ao ni kaantaninga Natina mai karawa are E a manga kamaiua mai buakoia maate, are Iesu, are kamaiura man unin te Atua are e nangi roko.

Tito 2:14

are anga Ngaia i bukira, b'a E aonga ni kainaomataira man te buakaka ni kabanea, ao E aonga ni kaitiakiira b'a aomata aika ana aomata n ti Ngaia, aika iai nanoia ae korakora ni kani karaoi m'akuri aika raraoi.

Ebera 11:4

I bukin ana onimaki Abera, ao e angan te Atua te karea ae raoiroi riki nakon ana karea Kain; ao i bukin ana onimaki ao E kukurei te Atua i rouna ngkai e karaoa nanona; ao e boni ngae ni mate Abera, ma e teimatoa n taetae ana onimaki i bukina.

Ebera 13:15

Ma ngaia ae i nanon Iesu ao ti na tai toki n anga te karea ae karaoiroan te Atua, ae te karea ae ti anga ni wiira aika kaotiota onimakinan arana.

1.Betero 2:5

Ao ngkami naba kanga ai aron atibu aika maiu aika kabonganaki i bukini katean te Tembora n tamnei, ike kam na m'akuri iai b'a ibonga aika ana aomata te Atua, n anga karea n tamnei iroun Iesu Kristo.

Te Kaotioti 5:9

Ao a anene n te anene ae boou, ao a anene ni kaangai, “Ko riai n anaa te niira ni boki ma ni kanakoi b'aini kanim'ana ake kanikina. B'a Ko kamateaki; ao Ko kamaiuia aomata n raraam b'a ana b'ai te Atua mai buakoia baronga nako, ma reeti n aomata nako, ma aomata nako aika a kakaokoro aia taetae,