Taian Areru 19:13 - Te B'aib'ara

¹³ Kawakinai naba mani karaoani baika I atai b'a a bure; Tai kariaia b'a a na tautaeka i aou. Ao N na riki ni moan te raoiroi Ao N na kamaiuaki mani buakakan te bure.

Taian Areru 19:13 ပူးပေါင်းရင်းမြစ်များ

Karikani B'aai 20:6

Ao E kaeka te Atua n te mii, “Eng, I ataia b'a ko karaoa anne ma te nano ae itiaki, ao bon anne bukina are I tuukiko iai b'a ko na aki nako iu, ao ko na aki riingnga naba Nei Taara.

Iobi 34:32

Ko a tia ni butiia te Atua b'a E na kaoti am kaairua nako Im? Ao ko a tia ni kariaia b'a ko na katoka te m'akuri ae buakaka?

Taian Areru 11:7

E kaakaraoa ae e raoiroi te UEA, ao E tangira karaoan te motikitaeka ae eti A na noora matana akana karaoi m'akuri akanne.

Taian Areru 119:133

Kawakinai b'a N na aki b'aka, n ai aron am Taeka; Ao tai katokanikaia te buakaka i aou.

Taian Areru 18:23

E ataia b'a akea au kairua, Ao I a tia ni kawakinai mani karaoan te bure.

Taian Areru 7:10

Ngkoe, te Atua, bon otangau, ao kamanoaia aomata ni kabane ake a raraoi nanoia.

Taian Areru 84:11

Boni nera ni katantan te UEA ao ara Uea ae mimitong; E ataataiaomata nakoira ao E anganira te karineaki. E aki rawa n anga te b'ai ae e raoiroi nakoia akana karaoa ae e raoiroi.

Te Otinako 21:14

Ao ngkana arona b'a kam a kaman iaiangoa tiringan te aomata temanna, ao bon akea maiumi, kam aki maiu naba ngkana arona b'a kam nimta te baonikarea. Kam na katikitikaki nako ma n tiringaki.

Nakoaia Ibonga 4:13

Ngkana arona b'a ai bon te botannaomata ae Iteraera ae bure n urua ana Tua te UEA teuana n tiaki nanoia,

Nakoaia Ibonga 4:2

b'a e na tuangiia Iteraera ake a bure n urui ana Tua te UEA n tiaki nanoia.

Nakoaia Ibonga 4:22

Ao ngkana arona b'a e reke n te bure te tia tautaeka n urua ana Tua te UEA teuana n tiaki nanona,

Nakoaia Ibonga 4:27

Ao ngkana bon te aomata n aki akaaka ae bure n urua ana Tua te UEA teuana n tiaki nanona, ao ni bon te tai naba are e ataa iai ana bure anne,

M'akuri 24:16

Ao ngaia aei ae I kakorakoraai iai b'a N na aki toki ni b'aina te nano ae itiaki i matan te Atua ao i mataia aomata.

2.Betero 2:10

ai moara riki te koraki ake a iri nanon rab'ataia ni karaoi m'akuri ni kaib'ab'aru aika kam'ara, ma n rawa n tauaki aroia: te koraki n ninikoria aika kainikatonga, aika aki maku n taetaebuakaia akana neboaki.

1.Tamuera 25:39

Ao ngke e ongo Tawita taekan Nab'ara b'a e a tia ni mate, ao e taku, “E na neboaki te UEA! E a tia n irantangaai mairoun Nab'ara i bukina ngke e kamamaaeai ao E kaawakinai b'a N na aki karaoa ae e buakaka. E a tia te UEA ni katuaaea Nab'ara i bukin ana m'akuri ae e buakaka.” Ao i mwiin arei, e karaoa ana kabutiman Tawita b'a e kan mare ma Nei Abikaira.