Taian Areru 18:50 - Te B'aib'ara

⁵⁰ E angan ana king taian tokanikai; E teimatoa n aki toki ana tangira nakon are E a tia n rineia, Are Tawita, ma ana kariki.

Taian Areru 18:50 ပူးပေါင်းရင်းမြစ်များ

2.Tamuera 7:13

ao bon akea temanna ae e na konaa n anaa abanueana mai rouna. Boni ngaia are e na katea te tembora ibuku.

1.Rongorongo 17:27

I butiiko ngkai b'a Ko na kakab'aiaia au kariki n aki totoki, ao karikiia b'a am uea aika a rineaki. Ko a tia ni kakab'aia au utu, ao I ataia b'a Ko na bon kakab'aiaira n aki totoki.

Taian Areru 132:10

Ko a tia ni kab'aka am Taeka nakon Tawita are am toro, ma ngaia ae tai rawa nakon te uea are Ko rineia.

Taian Areru 144:10

Ko anganiia uea aia tokanikai ao Ko kamaiua Tawita are am toro.

Taian Areru 2:6

“I a tia ni kamaekaa au king i Tion, are au Maunga are Tabu.”

Taian Areru 57:10

Ai ab'ab'akira am Atataiaomata, ai aron raroan aontano ma karawa; ti te arona ma arom ni kakaonimaki.

Ruka 1:69

Ao E katauraoa te tia Kamaiu ae m'aaka i bukira, ae kaain ana utu Tawita are ana toro.

I-Rom 1:3

bon taekan Natina, are Iesu Kristo, are bungiaki n te aro n rab'ata b'a kanoan ana kariki Tawita;

I-Rom 11:29

B'a E aki kona te Atua ni kaoki b'aai ake E a tia n anga, ao E aki kona ni m'aninga taekaia aomata ake E a tia n rineia.

I-Karatia 3:16

A atongaki taian taeka n akoi nakon Aberaam ao nakon ana kariki, ni kaotia b'a e aki nanonaki iai aomata aika bati, ma e kaangai, ao nakon am kariki, ni kaotia b'a ti temanna ae nanonaki iai, b'a Kristo.

1.Tamuera 16:1

Ao E taku n te bong teuana, “Tamuera, I a tia n ribaa Tauro, ao I aki tangiria b'a e na riki b'a te uea. Ko na aki nanoangaia. Uota b'aan te oriwa teutana n te kaonteina ae uarereke ao naako kawara te aomata ae arana Iete, ae maeka i Betereem. I a tia n rinea natina te m'aane temanna b'a e na uea.”

1.Tamuera 2:10

Ara UEA, a na maaerikiriki aomata aika buakaniko ngkana Ko buakaniia ma rebwen te baa mai karawa. Ko na motika taekan te aonnaba ae b'anin ao Ko na anga te m'aaka ma te korakora nakon am uea ae rineaki.