Taian Areru 18:45 - Te B'aib'ara

⁴⁵ A kerikaaki korakoraia, ao a roko man ruru man aia nono.

Taian Areru 18:45 ပူးပေါင်းရင်းမြစ်များ

2.Tamuera 8:2

E kataenikaiia naba kaain Moaba. Ao i mwiina, e kaweneia aia tautia i aon te tano. E tib'aia nakon tenikoraki; uakoraki a na tiringaki, ao tekorakina a na kamaiuaki. A na riai kaain Moaba aikai ni butim'aea Tawita b'a aia tia tautaeka ma ni kab'aka nakoina te taekiti.

2.Tamuera 8:6

E katikuia tabeman ana tautia i Tamateko, ao a kariaia kaain Aramean b'a a na karika Tawita b'a aia tia tautaeka ao a anga taekiti nakoina. E buoka Tawita n taabo nako ike e nako iai, ao e totokanikai n taiani buaka.

Taian Areru 66:3

Kam na kaangai nakon te Atua, “Ai kamimiira am M'akuri aika Ko karaoi! E korakora M'aakam, ma ngaia ae a bobaraaki aiam i m'aim b'a a makuko.

Taian Areru 81:16

Ma N na kaam'arakeingkami n te uita ae moan te raoiroi; Ao N na kanuaingkami n aia karewe manibeeru.”

Itaia 24:4

E a bane tain te aonnaba; a na mauna nako ana taani kairiiri n riki n akea manenaia.

Mika 7:17

A na kawakawa i nanon bubun aontano kaanga aroia naeta; A na rurubenebene ni maaku ngkana a otinako man aia nono. A na rairaki ma te maaku nakon te UEA ae Atuara.

Te Tua-Kaua 33:29

E a tia ni kamaiungkami te UEA ao ma n anganingkami taiani kakab'aia ae m'aiti riki nakon kakab'aiakiia botannaomata tabeua. Kaanga ai aron te otanga Ngaia ngkana E kamanoingkami ao bon ami kabaang ae mimitong Ngaia. A na bobaraaki ami kairiribai ma te maaku, ao ane kam na toubekai nuukaia.

Iakobo 1:11

B'a e oti taai ma te ang ae kabuebue, ao e karaia te uteute; ao e b'aka ueena, ao e mauna tamaroana. Ao ai aron naba te aomata ae kaub'ai: e na rai i nanon ana tai ni wakina ana bitineti.

Te Kaotioti 6:16

ao a kaangai nakoni maunga ma atibu, “Kam na b'akarira, ao kam na karabaira mai matan Teuare tekateka i aon te kaintokanuea, ao man unin te Tiibuteteei.