Taian Areru 18:43 - Te B'aib'ara

⁴³ Ko kamaiuai mairouia aomata akana rawa n ongeaba nakoia taan tautaeka, Ao Ko katautaekaai i aoia botannaomata; ao a riki b'a au toro

Taian Areru 18:43 ပူးပေါင်းရင်းမြစ်များ

2.Tamuera 19:9

ao a bane ni ngurengure aomata nako i Iteraera. A taetae i marenaia ni kaangai, “E kamaiura Tawita mairouia kaain Biritia ao mairouia ara kairiribai nako.

2.Tamuera 3:1

Bon moanan te buaka ae e anaanau te buaka aei imarenaia ake a tei i bukin Tauro ma ake a tei i bukin Tawita. E rikirake ni mamaara korakoran Tauro, ma e rikirake ni buubura m'aakan Tawita.

Taian Areru 108:9

Bon au beetin n uaati Moaaba, ao I kare nako au kauniwae nako Etom, b'a kaotan ae I a abanna. N na keekee ni kaota ae I tokanikai i aoia I-Biritia.

Itaia 49:6

Ao ngkai E taku te UEA nako iu “E aki tau nakoim am m'akuri ae ti au toro ngkoe. Ko na riai naba ni karaoa ae e m'aiti riki nakon anne ni kaokiia ake nikira ni maiu man barongan nako Iteraera. I a tia ni kaakiko ikai b'a kaanga te taura i bukiia botannaomata nako; ko na riai n anaa m'aakau ni kakamaiu nakoia aomata nako n te aonnaba.”

Itaia 52:15

E na karikiia botannaomata au tia m'akuri b'a a na boongana i bukin taromauriakiu; a na aki kakarongoa uea ngkana a boobaraaki ni mimi. Ane a na noori ao a na iangoi b'aai aika a tuai ma n noori ke n tuai n iangoi mai m'aaina.

Itaia 55:5

Ko na weewete nakoia botannaomata nako aika a tuai ni kinaaki. Ao ko tuai naba ni kinaia, ma ane a na biribiri n roko i bukina ngke bon te UEA Ngai, ae Atuaia Iteraera ae e tabu, ao I a tia ni karineko.

Otea 1:10

Ane a na roko boong ae e na kangaanga iai warekaia Iteraera, b'a a na rangi ni m'aiti kaanga tanon mataniwiin te bike. A atongaki ngkai b'a “Tiaki Au Aomata,” ma ni boong aika a na roko a na atongaki b'a “Natin te Atua ae E Maiu.”

M'akuri 5:31

E neboia te Atua ni kaaki i rarikina b'a te Mataniwi Ngaia ao te Tia Kamaiu: b'a E aonga n reke nakoia Iteraera aia tai n rairi nanoia ao ni kab'araki aia bure.

I-Rom 15:12

Ao e taku Itaia, “Ane e na kaoti temanna man ana utu Iete; E na taua taekaia botannaomata aika Tientaire, ao ane a na kaantaningaia.”

I-Rom 15:18

B'a N na ninikoria n taekina te baere E a tia ni karaoia Kristo i rou n au taeka ma au m'akuri i bukini kairaia aomata aika tiaki I-Iutaia, b'a a aonga n ongeaba nakon te Atua.

I-Rom 16:26

ma, ngkai, e a tia ni kaotaki, ao e a ataaki irouia botannaomata ni kabaneia ri nanon aia boki burabeti n ai aron are E tua te Atua b'a e na koreaki, b'a a aonga n onimakinna ma n ongeaba i rouna.

I-Ebeto 1:22

Ao E kaaki b'aai ni kabane i aani waeni Kristo, ao E anga Kristo nakon te ekaretia b'a atuuni b'aai ni kabane;

1.Betero 2:10

Tiaki ana botannaomata te Atua ngkami ngkoa, ma ngkai kam a riki b'a ana botannaomata; kam aki nanoangaki ngkoa, ma ngkai kam a nanoangaki.

Te Kaotioti 11:15

Ao e katanga ana bu te anera are te kaitiman; ao b'anaa aika korakora i karawa a kaangai, “Ana b'ai ara Uea ma ara Kristo te m'aaka n tautaeka i aonnaba; ao ane E na uea n aki totoki.”