Taian Areru 18:22 - Te B'aib'ara

²² I taratarai ana tua ni kabane n iri nanoia; I tuai aki ongeaba nakon ana taeka.

Taian Areru 18:22 ပူးပေါင်းရင်းမြစ်များ

Iobi 23:11

I toui m'anekana ni kabane, ao I tuai man rairakinako mai iai.

Taian Areru 119:112

I a tia ni motika nanou b'a N na ongeaba nakon am Tua ni karokoa mateu.

Taian Areru 119:117

Kawakinai raoi man te kabuanib'ai, ao N na mutiakin am Tua n aki toki.

Taian Areru 119:128

Ma ngaia ae I tou mwin am Taeka ni kabane, Ao I ribaai aaro ni kabane akana kairua.

Taian Areru 119:13

N na karakin am Tua ake Ko a tia n taekin.

Taian Areru 119:30

I a tia ni kataua b'a N na ongeaba; N na aki m'anuoki am Tua.

Ioane 5:14

E aki rangi ni maan i mwin arei, ao Iesu E nora teuarei n te Tembora, ao E taku nakoina, “Noria, ko a tia ni kamaiuaki, ma ngaia are ko na aki manga bure, b'a e kaawa n riki nako im te b'ai ae buakaka riki.”

Te Tua-Kaua 26:13

Ao i mwiina, kam na manga tataro: Te UEA ae Atuara, Ko a tia n taekinna b'a e na kaokoroaki teuana te katebwina ni m'akoro man uaan ara tai. I a tia n ongotaeka nakon am Tua n anganiia aomata aika kainano baikai, n reitaki naba ma kanoan Rewi, iruwa, ataei aika akea aia karo, ao aine aika mate buuia.

Te Tua-Kaua 26:14

I bon tuai mani kana naba teutana m'akoron am'arake aika tabu aikai ngkana I tanginiwenei; ao ni koauana, I bon tuai man riingnga naba ngkana I kam'araa. Ao bon akea naba mai buakoia ae I a tia n anga b'a te karea nakoia maate. I a tia ni karaoi b'aai ni kabane n aron aika Ko a tia ni baaireia.