Taian Areru 18:20 - Te B'aib'ara

²⁰ E anganai kaniwangau te UEA i bukin ae I karaoa ae e raoiroi. E kakab'aiaai ngkai akea au bure.

Taian Areru 18:20 ပူးပေါင်းရင်းမြစ်များ

Iobi 22:30

E na boni kamaiuko ngkana akea am bure, ngkana e bon eti te b'ai ae ko karaoia.

Iobi 36:16

E kaotinakoko te Atua man te kangaanga, ao e karekea te rau nako im b'a ko na kukurei iai; E kaona aon am taibora n te am'arake.

Taian Areru 118:5

I wetea te Atua ngke e kai nanou; E ongo irou ao E kamaiuai.

Taian Areru 18:24

Ma ngaia ae E anganai kaniwangau b'a kioina ngkai I karaoa ae e raoiroi, ao i bukina b'a akea au bure.

Taian Areru 24:4

Bon ane karaoa ae e raoiroi ao e itiaki nanona; ane aki taromauri bouannanti, ke n taetae n tuea n te aro ni kewe

Taian Areru 26:6

Te UEA, I teboki baiu ni kaotia b'a akea au bure, ao I nakonako n taromauri ni katobibia am Baonikarea,

Taian Areru 31:9

Te UEA, nanoangaai; b'a e kai nanou; A kainano matau i bukin te tang ae bati; Akea angin rab'atau.

Taian Areru 58:11

Ane a na kaangai iai aomata, “Iai booni mwin aia m'akuri aomata akana raoiroi ae e na reke i rouia; bon iai te Atua ae te tia motika taekan aon te aba.”

Taian Areru 7:3

Te UEA ae Atuau, I aki ataia b'a I bure ke I aki!

Taian Areru 7:8

Te UEA, motikitaekaia botannaomata! Motika taekau, ao kaotai nakoia te koraki ae I b'aab'aina te koaua, ao I aki ataia b'a I bure ke I aki.

Taeka n Rabakau 11:18

E uotiko te buakaka n taabo nako te tei ni baba, ma e kaniwanganaki te raoiroi.

Itaia 49:4

I taku i bon irou, “I a rangi ni korakai; ao e a tia ni banebuaka au tai. Ma I karaoa aei i bukin te UEA ae te Atua, ao E na anganai kaniwangau.”

Itaia 62:11

Ao aei te b'ai ae e taekinna te UEA i bukin te aonnaba ni kabane b'a a na ongo: “N na roko te tai ae e aki maan b'a N na kamaiua te kaawa are Tion, ao n anganiko kaniwangam.

Mataio 6:4

b'a e aonga n raba am angab'ai; ao E na anganiko te b'ai n tituaraoi Tamam, ae nora ae raba, b'a am b'ai.

1.I-Korinto 3:8

Akea kaokoron te aomata are unika te aroka ma te aomata are teboteboka te aroka; ao ane a na anganaki n tatabemaniia booia n ai aron te m'akuri are a tia ni karaoia.

Ebera 7:26

Iesu ngkanne bon te Ibonga ae Kakannato ae tau i bukira; E kukurei te Atua i Rouna, akea kabuakakaana ma baarekana, E kam'awaki mai rarikiia taani bure, ao E karietataki riki i aon taiani karawa.

1.Tamuera 24:17

Ao i mwiina, e taku nakon Tawita, “Ko bon eti, ao I bure. Ko a tia ni karaoa ae e rangi n raoiroi nako iu, ao ngai I bon karaoa ae buakaka nako im.