Taian Areru 18:2 - Te B'aib'ara

² Bon au b'a ni katantan ae rietaata ngkoe te UEA; Bon au nono ae matoatoa, ao te tia kamaiuai ngkoe; Bon Atuau ae nneu ni katanai ae I raba raoi i rouna; mairouia taan ribaai;

Taian Areru 18:2 ပူးပေါင်းရင်းမြစ်များ

2.Tamuera 22:3

Bon te b'a Ngkoe ae kamaiuau. Bon otangau Ngkoe, au b'ai ni buaka ae e korakora, au tabo ni katantan. Ko kamaiuai ao Ko kaawakinai b'a N na aki ikoaki.

Taian Areru 116:1

I tangiriko te UEA, B'a ko ongo b'anaan au tataro.

Taian Areru 132:17

Aio te tabo ae N na karika iai temanna mai buakoia ana kariki Tawita b'a te uea ae kakannato; Aio te tabo naba ae N na kateimatoa mai iai ana tautaeka te uea ae I rineia.

Taian Areru 144:2

Boni Ngaia te tia kamanoai ao otangau, nneu ni katantan ao te tia kamaiuai, ae I onimakinna b'a I raba raoi i rouna. E kakiia botannaomata i aani m'akau.

Taian Areru 19:14

A bia riki au taeka ma namakin aika nako mai nanou b'a kakukureiam, te UEA ae te tia kamanoai ao au tia kamaiu!

Taian Areru 28:1

Te UEA, ae nneu ni katantan, I weteiko; ongo b'anaau! Ngkana Ko aki kaekaai, ao N na ruo naba nakon aia aonnaba maate.

Taian Areru 59:11

Te Atua, tai kamateia, b'a a kaawa au aomata ni m'aninga taekan am Tokanikai. Kauamaenakoia ni m'aakam ao katae aia kai, te Uea ae te tia kamanoira.

Taian Areru 62:2

Ti Ngaia katanau ao buokau; Ngaia ae kamanoai, ao N na aki kona n taenikai.

Taian Areru 62:7

E mena kamaiuau ma karineau iroun te Atua; Ngaia au tabo ni kamanomano ae matoatoa, ao nneu ni katantan.

Taian Areru 75:10

E na uru korakoraia akana buakaka, Ao E karikirakei korakoraia akana raoiroi.

Taian Areru 91:2

E na kaangai nakoina, Bon te tia katanai ao te tia kamanoai Ngkoe. Bon Atuau Ngkoe; I onimakiniko.

Taian Areru 91:4

E na rabuniko ni baina kanga ai aron te mannikiba ni kawakinia bunna i aani baina; E kakaonimaki te Atua ni kawakiniko ao ni kamanoko.

Te Otinako 15:2

Bon otangau ae matoatoa te UEA; boni Ngaia ae E a tia ni kamaiuai. Bon Atuau, ao N na neboia, Bon Tamau te Atua, ao N na anenea korakorana.

Taeka n Rabakau 18:10

Bon te taua ae e korakora te UEA ike a konaa ni biri nako iai ana aomata ni kamanoia

Taeka n Rabakau 2:7

E anga te Atua taian reirei aika a i buobuoki nakoia aomata ni kabane aika ongotaeka i rouna ao ni kaawakiniia ni kabane aika a maiu n aron are a kaantaningaaki iai.

Itaia 32:2

A na riai n riki b'a nne ni kamaiu man taian angibuaka, b'a taiani karaanga n ran n te rereua, ao te b'a ni katantan ma ni kabuebuen taai.

Ieremia 16:19

Ara UEA, boni Ngkoe ae Ko anganai te korakora ma ni kaawakinai kaanga te nono ngkana I reke n te kangaanga. Ane a na roko aomata ni kawarai man taiani botannaomata aika a raroa nako ao a na kaangai, A taromauri anti ni kewe aika a akea manenaia Ara bakatibu.

Ebera 2:13

Ao E kangai naba: “N na onimakinna.” Ao E a manga kangai naba, “Noria, Ngai ma ataei aika E anganai te Atua.”