Taian Areru 18:11 - Te B'aib'ara

¹¹ E rabunna n te roo; E otab'aniniaki n nangi ni karau aika matenten.

Taian Areru 18:11 ပူးပေါင်းရင်းမြစ်များ

Taian Areru 104:3

Ko katea mwengam i aon raan ake i etani karawa. Ko kabonganai naang b'a am kaanibuaka, Ao Ko m'am'ananga ni bain te ang.

Taian Areru 27:5

E na kawakinai ni kamanoai man te kaangaanga i nanon ana Tembora, ao E katokaai i aon te b'a ae rietaata ae N na maiu iai.

Taian Areru 81:7

Ngke kam reke n te kaangaanga, ao kam weteai ao I kamaiungkami. I buokingkami man au tabo ni karabai are n te angibuaka ma te baa. I kataingkami i rarikini koburaken raan i Merib'a.

Taian Areru 91:1

Ane katanna iroun te Atua ae Moan te Rietaata, Ane kamanoa iroun te Atua ae M'aaka,

Taian Areru 97:2

E otab'aniniaki rarikina n taian nang ma te roo; E tautaeka n te raoiroi ma te eti.

Etekiera 10:18

Ao i mwiina, e kiitana mataroan te Tembora raneanean mimitongin te UEA ao e toki i aon maan ake iai baiia ni kiba akekei.

Ioera 2:2

E na roo ao ni kananokawaki ma nangin te buaka i aora. A na kaona aon te maunga nako te taanga ni buaka kaanga ai aron nangin buakan karawa. Bon akea te taanga ni buaka ae e korakora ae e a tia n ikotaki mai m'aaina ke ae e na manga ikotaki rimwi.

Te Tua-Kaua 4:11

E katobibiaki te Maunga are Tinai n te nang ae matenten ae roro, ao e birirake te ai nako karawa. Ao kam nako oin te Maunga,