Taian Areru 150:3 - Te B'aib'ara

³ Kam na kamoamoaa ni katangan taiani bu. Kam na kamoamoaa n taian aabi ma raea.

Taian Areru 150:3 ပူးပေါင်းရင်းမြစ်များ

2.Tamuera 6:15

A bane aomata nako n takaarua ma ni katang taian buu ngke e tabe ni uotaki te Atiniberita.

2.Tamuera 6:5

Ao iai tabeman Iteraera aika a katangitang n taian aabi aika uarereke ao b'aai ni katangitang ake tabeua ake iai karaiia, ao te raea, te timbere, katineti, ao te timbara. Ao a kukurei Tawita ma te koraki ake tekorakina, ao a taua ma nanoia n ruoia nakon te UEA.

1.Rongorongo 15:20

Aikai taani buokiia ake tabeman ake a katang taian aabi ake a uarereke:

1.Rongorongo 15:24

Aikai araia: Berekia, Erekana, Obeta-Etom, ao Ieia. Ao n te kabanea, Tawita e rineaia ibonga ake a na nakonako i matan te Atiniberita b'a taani katang bu. Ao aikai araia: Teb'ania, Iotiab'ata, Netanera, Amatai, Tekaria, Benaia, ao Erietera.

1.Rongorongo 15:28

Ngke e tabe ni uotaki te Atiniberita nako Ierutarem, ao a bane aomata ni bukamaruia n takaarua ao ni katangi b'aini katangitang aika taiani konete, buu, timbara, aabi, ao b'aai ni katangitang riki tabeua ake taiani karai.

1.Rongorongo 16:42

Bon tabeia naba Eman ma Ierutun te katang taiani buu, ao katangakin taian timbara ao b'aai ni katangitang ake tabeua i nanon tain te taromauri n te Um'antabunrianna. Ao kanoan Rewi ake n te kaainga are Ierutun boni ngaiia ake taan tei i Kibeon.

1.Rongorongo 25:1

Ao Tawita ma mataniwin te Tembora a rineia ana kariki Ataba, Eman, ao Ierutun b'a taan tararua te katangitang. A na neboa te UEA ni katangi taian timbara, aabi ao b'aai ni katangitang ake taiani karai. Aikai araia taani katangitang ma tabeia:

2.Rongorongo 20:28

A rangi ni kukurei i bukina ngke e a tia n anganiia te UEA te tokanikai i aoia aia kairiribai, ma ngaia are, ngke a roko n te kaawa are e buubura, ao a bon m'ananga naba ni kaineta naba te Tembora.

2.Rongorongo 5:13

Tebubua uangaun te ibonga aika a raoniia taani katangitang aikai, ao a katangi taian buu. A neboa te UEA ni katangi b'aini katangitang ma n anene: “E raoiroi te UEA, ao akea tokin ana tangira.” Ao e a karina naba ni kaonaki nanon te Tembora n te nang ngke a kiitana te tabo are moan te tabu ibonga.

Taian Areru 108:2

N na moana katangan au aabi ma au raea! N na kauta taai.

Taian Areru 149:3

Kam na kamoamoa arana n te b'ab'atere; katangi b'aai ni katangitang n neboia iai.

Taian Areru 33:2

Katituaraoa te UEA n tangin aabi; Anene nakoina ma b'ai ni katangitang aika iai karaia.

Taian Areru 92:3

Ai raoiroira n aneneaki ma tangin taiani b'ai ni katangitang aika tangi raoi.

Taniera 3:5

Kam na ongora tangin taiani bu, aika a rimwiaki n tangin te bikura, ma te raea, ma te tita, ma te aabi, ao te bikura; ma taiani b'ai ni katangitang riki tabeua. Ao n te tai naba are kam ongo iai tangin b'aai akanne, ao kam na bane ni bobaraaki n taromauriia te bouananti te koora are e a tia ni kateia te uea are Nebukaneta.

Warekaia Iteraera 10:10

Kam na katanga naba te bu ngkana kam anga karea n tain te Toa ae Moan Otin Nam'akaina ao taian toa riki ake tabeua. E na riki aei b'a te b'ai ni kauring b'a bon te UEA Ngai ae Atuami.