Taian Areru 15:5 - Te B'aib'ara

⁵ A karaoi aia katangom'ane n akea aia bakao ia, man aki karaoi aia babakanikawai iai ni karawawataia aika aki ataib'ai. Uake a karaoi baikai ni kabane ana bon tei n nene.

Taian Areru 15:5 ပူးပေါင်းရင်းမြစ်များ

Taian Areru 106:3

A kab'aia akana b'ab'aina te koaua ma te eti ni maiuia n taai nako.

Taian Areru 112:6

Akea kab'akan te aomata ae ongeaba nakon ana tua te Atua; E na ururingaki n taai nako.

Taian Areru 16:8

I tangira te UEA b'a E na mena i rarikiu n taai nako; E kaan i rarikiu, ao akea te b'ai teuana ae e konaa ni ioioai.

Taian Areru 55:22

Ko na kaaki rawawatam i aon te UEA, ao E na buokiko; E na buokiia akana raoiroi b'a a na teimatoa.

Te Otinako 22:24

Ae N na bon rangi n un n te aro are N na tiringiia ami mm'aane ao ni karikiia buuia b'a aine aika a mate buuia ao natiia b'a ataei aika akea tamaia.

Te Otinako 22:25

Kam na aki tangira rakan te m'ane ae kam anga b'a e na taarauaki irouia aomata nako aika a maiu ni kainano.

Taeka n Rabakau 10:30

A na tei ni matoatoa aomata aika a raoiroi, ma a na bua abaia aomata aika a buakaka.

Taeka n Rabakau 12:3

E aki konaa n reke te teimatoa man te bure! ma ngkana kam maiuakina te raoiroi, ao kam na kateimatoaki kaanga ai aron te aroka ae e nene wakaana.

Taeka n Rabakau 15:27

E karika te kangaanga nakon ami utu te mataaib'ai, ma kam na bon kaawakiningkami i bon iroumi ngkana kam rawa ni karaoa te baabakanikawai.

Itaia 33:15

Ma e na iai kaniwangaia aika a eti maiuia ma n tataekina te koaua, i bukiia aomata ake a rawa n anaa te m'ane n te matoa ke a rawa ni butim'aea te baabakanikawai, ao nakoia ni kabane ake a ribaa te tiriaomata ao taian m'akuri ni kakeru.

Etekiera 18:17

ao e rawa ni karaoa te m'akuri ae e buakaka ke n anaa bakaon ana tangom'ane te aomata ae e tangom'ane i rouna. E iri nanon au Tua nako ma au reirei nako. E na riai ni maiu te m'aane aei. E bure tamana, ma e na kamaiuaki te m'aane ae e raoiroi aei ao e na aki tiringaki i bukin ana bure tamana.

Etekiera 18:27

Ao ngkana a manga moana karaoan ae e raoiroi aomata aika a buakaka, ao a boni kamaiuia i bon irouia iai man te rekenikai.

Etekiera 18:8

ao e aki taataui bakaon taian tangom'ane. E rawa ni karaoi m'akuri aika a buakaka; e karaoa ae e raoiroi nakoia aomata nako

Etekiera 22:12

Iai tabeman maibuakomi aika a butim'aea te m'ane i bukin tiringan temanna. A manga bon kabuuburai bakaon taian roun am aomata nakoia raoia n Iteraera, ao a kaub'ai n aia m'akuri ni keweakiia tabem'aang. Ao ae e rangi ni buakaka riki, kam a tia ni m'aninga taekau, ae te UEA ae te Atua.

Mika 7:3

A rangi n rabakau ni karaoan te m'akuri ae e buakaka. A ukoukora te kamaraato b'aakuaku ma Taani Motikitaeka. A mara atoia taan tautaeka, ao a kangaraoi mooti nakon nanoia ake a kamarai atoia

Mataio 26:15

ao e kangai, “Tera ae kam na anganai ngkana I kam'anea Iesu nako imi?” Ao a anganna 30 te m'ane ae te tirewa.

Ioane 13:17

Ngkana kam atai baikai, ao kam a kab'aia ngkana kam karaoi.

Te Tua-Kaua 23:21

Kaain Iteraera, ngkana kam karaoa te berita ae tabu b'a kam na anga ami b'aintangira nakon te UEA, ao kam na karaoia naba n te tai ae waekoa, b'a ngkana E roko te UEA ni kakaea te b'aintangira are ko berita iai, ao ko na bure n urua te berita ngkana ko tuai n anga am b'aintangira.

1.Tamuera 12:3

N nang titirakiningkami moa, I a tia n anaa ana kaom'aane te aomata temanna ke ana aati, ke ni imanonoingkami b'a kam na anganai te b'ai teuana? I a tia ni kaikoaka te aomata temanna ke ni karaoa te kamaraato i bukin karaoan te babaire ae aki eti? Kam na kaekaai ngkai b'a e na ongo te UEA ma te uea are E rineia. B'a ngkana arona b'a I a tia ni karaoa teuana mai buakon baikai, ao n na kabooa mwiina.