Taian Areru 149:4 - Te B'aib'ara

⁴ E kukurei te UEA iroun ana botannaomata; E karineia aika onimakinna n anganiia te tokanikai.

Taian Areru 149:4 ပူးပေါင်းရင်းမြစ်များ

Taian Areru 117:2

E nene ni matoa ana tangira i bukira, ao akea tokin ana kakaonimaki. Kam na neboa te UEA!

Taian Areru 132:16

N na kakab'aiaia ana ibonga ni b'aai ni kabane akana a karaoi, Ao a na takaakaa n anene ma te kakatonga ana botannaomata.

Taian Areru 147:11

Ma E anaaki nanona irouia akana karinea, akana onimakina ana Tangira ae Teimatoa.

Taian Areru 22:8

Ao a kaangai, Ko onimakina te UEA, Ao ke E kamaiuko! Ngkana E tangiriko, ao ke E buokiko!

Taian Areru 35:27

A na takaakaa ni kakatonga akana tangira kaetan taekau, Ao a na kaokioka atongan ae kaangai, “Ai kakannato ra te UEA! E kukurei nanona n ana tokanikai ana toro”

Taian Areru 90:17

Te UEA ae Atuara, Ko na kakab'aiaira. Ko na katetekeraoira ni b'ai ni bane aika ti karaoi!

Taeka n Rabakau 11:20

E ribaia aomata aika a uaraoia aomata UEA, ma e tangiriia aomata nako akana a maiuakina te raoiroi.

Ana Anene Toromon 1:11

Ti na karaoa katamaroaam man te koora, aika a rarangaaki ma te tirewa.

Itaia 61:10

N na karaoa au bootaki ni kukurei ao n takaarua i bukin au UEA ae te Atua. I a kunnikaiai ni m'aakan ana m'akuri ni kakamaiu ao ana motikitaeka ae Eti. A rangi n tamaroa riki nakon b'aai ni katamaroa aika a b'aab'ainaki iroun te kabae te aine ke te kabae te m'aane.

Ieremia 32:41

N na kukurei ni karaoa ae e raoiroi nako ia, ao N na katea aroia b'a a na riki raoi b'a kaain te aba aei ni koaua.

Teb'ania 3:17

E bon mena iroum te UEA ae Atuam Ko na tokanikai ni m'aakana. E kukurei te UEA iroum ao E na anganiko te maiu ae e boou n ana tangira. E na anene ni kim'areirei i aom.

Ebera 12:10

A reireiniira ni kaeti arora tamara aika taman rab'atara i nanon tabe bong n ai aron are a taku b'a e raoiroi i roura; ma te Atua E reireiniira b'a e bongana i bukira, b'a ti aonga ni buokanib'ai ni maiuna ae itiaki man te bure.

1.Betero 3:4

ma katamaroaami ae riai, bon te aomata ae raba ae b'ain te nano, ae katamaroaami ae aki kona ni mka, ae te nano ae nimamannei ae rau, ae kakawaki i matan te Atua.

1.Betero 5:5

Ao i bukimi ngkami aika kam ataei riki: kam na aan-taeka irouia unimm'aane. Ao kam na b'aina te nanorinano n aromi n i torotoro iroumi; b'a e kaangai te B'aib'ara: “B'a E ekianako akana kainikatonga te Atua, ao E akoia akana nanorinano.”

Te Kaotioti 7:14

Ao I taku nakoina, “Teuae ko karineaki i rou, ko bon ataiia.” Ao e kaangai nako iu, “Aomata aikai ake a butaki nako mai aan te rawawata are korakora, ao a teboki aia kunnikai ake a m'am'arai ao a kamainainai n raraan te Tiibuteteei.