Taian Areru 148:8 - Te B'aib'ara

⁸ Ma iti ma maibiibi n aiti; ma tinoo ma taian nang ma te ang ae baibati a ongeaba nakon ana taeka.

Taian Areru 148:8 ပူးပေါင်းရင်းမြစ်များ

Karikani B'aai 19:24

Ao e a kab'aka naba te karau te ai ao te atiibu te UEA mai karawa i aon Tootom ma Komora

Iobi 37:12

a buti naang nakon are E kanakoia te Atua nako iai; a ongotaeka i roun te Atua n taabo nako ike a nako iai n te aonnaba.

Taian Areru 103:20

Karaoiroa te UEA, ngkami aika anera aika kam korakora, Aika kam ongeaba nakon ana taeka ao kam ongora n te bae E taekinna.

Taian Areru 18:12

A nako man te raneanea are i m'aina taian aiti-buraoki aika b'aka ni karau, ma kiakian ootan uran te ai.

Te Otinako 10:13

Ma ngaia are, e tabeka okona Moote, ao e karokoa te ang n te aba arei ni kabane te bong ma te ngaina. E a tia ni karokoia taian rokati (noora nanon te taeka aei i aan Taeka ma Nanoia) ngke e a moa n ingabong.

Te Otinako 10:19

Ao te UEA, e bita te angi mainiku nakon te angi maeao ae matoatoa, are e uotiia nako taian rokati ao a kiba nako nakon Naman Tueti (te Nama are Uraura). Bon akea temanna te rokati ae tiku i Aikubita.

Te Otinako 14:21

Ao e arora nako baina Moote i aon taari, ao E uka taari ni kaokia te UEA n te angi mainiku ae korakora. E kare ni katoa tairiki n te aro are e a onika taari nakon te aba ae m'auteretere. Ao e bwenauaaki taari

Itaia 66:16

E na uota te motikitaeka ae e eti ana taeka te UEA ae e ura nakon taabo nako n te aonnaba aei ao e na tiringiia aomata aika a m'aiti.

Ioera 2:30

N na m'akuri taiani kamimii i eta i karawa ao i aon te aonnaba i nano. E reke te raraa ma te ai ao taian nang ma te bubu.

Nakoaia Ibonga 10:2

Ao E kanakoa te ai te UEA n te tai ae e waekoa, ao e kabuokiia ni kamateia ikekei i matana.

Amota 4:13

Bon te Atua ae karaoi taian Maunga ao E karikii naba aang. E kaoti ana iango nakoia aomata E onika te ngaina nakon te tairiki ao n nakonako i aon tabuki. Bon te UEA Ngai ae E m'aaka!

Amota 7:4

E a manga roko naba i rou te mii mai iroun te UEA ae rietaata. Ao I nooria b'a E tabe ni katauraoi nakon kataereaia Ana aomata n te ai. E kauraa te nama ae korakora are i aan te aonnaba, are e a manga ura iai te aonnaba ni korakoran kabuebuena.

Iona 1:4

Ao te UEA, E kabuakaa marawa n te ang ao e korakora, ao e a kan uruaki te kaibuke ni korakoran te buaka.

Iona 1:5

Ao a maaku kaimoa ao a tang ni kan buokaki, temanna nakon antina, ao temanna nakon antina. Ao a karenakoi kanoan te kaibuke i taari, b'a e aonga ni bebete riki te kaibuke. Ao e a kaman ruo Iona ni wene i kabin te kaibuke ao e matu iai.

Warekaia Iteraera 16:35

Ao n te aro ae a aki kantaningaia, ao E kab'aka te ai te UEA ni kabuokiia 250 te mm'aane ake a tia n anga te b'ai ni kaboiarara nako Ina.

Iotua 10:11

Ngke a tabe ni birirake n te kawai are i Beta-oron tautian Amoraite, ngke a birinako mai i rouia aomatan Iteraera, ao e kab'aka te karau te atiibu aika a korakora te UEA i aoia ni karokoa rokoia i Ateka. A m'aiti taian Amoraite ake a mate n taian atiibu ake a b'aka nakoia ake a mate n aia kabaang aomatan Iteraera.

Te Kaotioti 16:21

Ao aomata a b'akaraki mai karawa n te karau ae matoatoa, ae taian aiti aika bububura, aika tao kaka tebubua te rawawata rawawataia ke e raka riki; ao a taetaebuaka te Atua i bukin te karau n aiti are kamamate; b'a e bon rangi ni kamamate.