Taian Areru 148:14 - Te B'aib'ara

¹⁴ E kakorakoraa ana botannaomata, b'a E aonga ni kamoamoaki irouia ana aomata ni kabaneia ae te botannaomata ae Iteraera, ae kakawaki i rouna. Kam na kamoamoa te UEA!

Taian Areru 148:14 ပူးပေါင်းရင်းမြစ်များ

Taian Areru 112:9

E tituaraoi n anganga nakoia aika a kai nanoia, Ao akea tokin ana ataataiaomata; e na rikirake ni kamoamoaki n arona ma ni karineaki irouia aomata.

Taian Areru 145:10

Te UEA, a na bane n neboiko am kariki-b'ai, ao a na bane am aomata ni katituaraoiko.

Taian Areru 149:9

A na kareke kaia botannaomata n ai aron are E tua te Atua. Aia b'ai ana Aomata te Atua te tokanikai aei. Kam na kamoamoa te UEA!

Taian Areru 75:10

E na uru korakoraia akana buakaka, Ao E karikirakei korakoraia akana raoiroi.

Taian Areru 89:17

Ko anganira te korakora are ti na kona iai n tokanikai i aoia aiara; Ko katokanikaira i bukina b'a Ko tangirira.

Taian Areru 89:18

Boni Ngkoe, te UEA, ae Ko rinea ae na kamanoira; Boni Ngkoe, Atuan Iteraera ae tabu, ae Ko anganira ara uea.

Taian Areru 92:10

Ko a tia ni kakorakoraai b'a kanga ai aroni korakoran te kaom'aane ae aki manana; Ko a tia ni kakab'aiaai ngke Ko kakukureiai.

Ieremia 17:14

Te UEA, boni Ngkoe ae I neboiko. Ma ngaia are, Ko na kamarurungai ma ni kamaiuai! Ao i mwiina, N na marurung raoi ma ni kaawakinaki raoi.

Ruka 1:52

E kab'akaia akana korakora man aia kaintokanuea, ao E karietataia akana mangori;

Ruka 2:32

Ae te oota are na kaota nanom nakoia botannaomata ake Tientaire ao e na uota karineaia am aomata ake Iteraera.”

I-Ebeto 2:13

Ma ngkai kam a katiteuanaki ma Kristo Iesu, ngkami ake kam raroa nako ngkoa ma te Atua, kam a riki ni kaan n raraani Kristo.

I-Ebeto 2:17

Ma ngaia are, E roko Kristo ao E tataekina te raoi nakoimi aika kam raroa nako ngkoa ma te Atua, ao nakoia naba aika kaani ma Ngaia.

I-Ebeto 2:19

Ma ngaia ae tiaki aomata aika ianena ngkami ngkai, ao tiaki naba aomata aika kam maeka n iruwa; ma aomata ngkami aika kam a riki b'a kanga kaain te aba ni koaua, n raoniia ake a itiaki, ao kam a riki naba b'a kaain ana utu te Atua.

Te Tua-Kaua 10:21

Aanga ami nebonebo nakoina, b'a kam a tia n nooria ni karaoi kakai aika kakamaaku i bukimi.

1.Betero 2:9

Ma ngkami bon te botannaomata ae kam rineaki, ae ana ibonga te Uea, ae te botannaomata ae itiaki i matan te Atua, ae ana aomata te Atua, ae rineaki b'a e na kaotioti ana m'akuri aika kamimii Teuare weteingkami man te roo nakon ana oota ae kamimii.

1.Tamuera 2:1

Ao e tataro Nei Anna: Ko kakorakoraai ma ni kakukureiai, te UEA Ko kamaiuai. Ao ngkai I kim'areirei ao I ngareakiniia au kairiribai.