Taian Areru 147:2 - Te B'aib'ara

² E a kaokaki Ierutarem nakon arona are rimoa iroun te UEA; E a kaokiia ake a tia n riki b'a taenikai.

Taian Areru 147:2 ပူးပေါင်းရင်းမြစ်များ

Neemia 6:15

Ao ni kauabwi ma nimauan bongin te nam'akaina ae Erura, ao e a bane iai manga karaoan te oo. E kabanea nimabwi ma uoua te bong.

Neemia 6:16

Ao ngke a ataia ara kairiribai ake i rarikira ae e a tia karaoan te oo, ao a rangi ni b'ara nanoia, i bukina b'a a ataia ae e a tia Atuara ni buokiira ni manga karaoa te oo.

Neemia 7:4

E ngae ngke e rangi ni korakora aban Ierutarem, ma a karako aomata ake a maeka ikekei, ao akea naba taian auti aika a boou aika a tia ni kateaki.

Taian Areru 102:17

E na ongo irouia ana Aomata akana kananoanga, Ao E aki ribaai aia tataro.

Taian Areru 51:18

Te Atua, kaota am Atataiaomata nakon te kaawa ae Tion, ao buokiia; Manga katei nonon Ierutarem.

Itaia 14:32

Ngkana e roko te tia uarongorongo man te botannaomata ae e raroa, ao ko na kaangai nakoina: “E karaoa Tion te UEA. Ao e na reke naba ikekei te rau iroun te aomata ae e rangi ni kainano.”

Itaia 27:13

E na ongo te aba tangin te bu ae e tangi m'aaka. Ao i mwiina, a na oki n taromauria te UEA i aon ana maunga ae e tabu i Ierutarem aomatan Iteraera ake a uaakinaki nako ngkoa nako Aturia ao Aikubita.

Itaia 56:8

I berita Ngai ae te UEA b'a N na ikotiia au aomata ake a uotaki nako kiraroa, ma ni manga bootia ma ake tekorakina.

Itaia 62:7

ao a na aki motirawa ni karokoa e matoatoa raoi Ierutarem ma n tanoata taekana n taabo nako.

Ieremia 31:10

Ongo irou, ngkami aika botannaomata aika kam kaan ma akana kam mena n taabo aika a raroa i taari. I kamaaeia nako ia Iteraera, ma N na manga ikotiia riki. N na kaawakiniia kaanga te tia kaawakintiibu ngkana e tararuaia ana nanai ni man;

Ieremia 31:4

Kam rangi ni kakaawaki irou, ai ngaia are, N na manga katea ami botannaomata. Kam na manga b'ab'atere ni kukurei ma ni katangitang n taian timbere.

Ieremia 32:37

E maraki nanou irouia kaain Ierutarem, ao N na kamaae nako ia nakon abaia ianena. Ma N na manga kaokiia n te bong teuana nako ikai ma ni kamaiuraoia.

Etekiera 38:8

b'a tabeua riki te ririki, ao N na tuangko b'a ko na kataenikaia Iteraera, te kaawa are e uruakaki n te buaka. E a tia ni kiitanaki n te tai ae e maan, ma a tia n oki kaaina mairouia botannaomata aika ianena ake a maeka iai ngkoa. A maeka ngkai Iteraera ma te rau ni maungan oin abaia.

Taniera 9:25

Karekea i nanon te baei, ao ataa nanona: Maanin te tai man te tai are e nako iai te kaetieti i bukin manga katean Ierutarem ni karokoa rokon ana tia kairiiri te Atua ae e rineaki, e na riai n tia ni koro itiua m'aitin itibwi te ririki. E na manga kateaki Ierutarem ma kawaina, ao nonona aika a mamatoa, ao e na tei i nanon itiua kam'aitia ma onobwi ma uoua te ririki, ma e na riki b'a tain te kabuanib'ai te tai anne.

Mika 4:6

E taku te UEA, “E a roko te tai are N na manga kaokiia ma ni bootia iai aomata ake I a tia ni katuuaia ngkoa, aomata ake a karawawataaki n te kataenikaiaki.

Tekaria 8:7

N na kamaiuia aika a anaaki nakon aaba ake i mainiku ao i maeao,

Mataio 16:18

Ao I taku nako im, b'a Betero ngkoe, ao N na katea au ekaretia i aon te b'aa aei; ao e na aki kona n ekianako m'aakan te mate.

Te Tua-Kaua 30:3

Ao i mwiina, E na katoka katuaaeakimi ao E na manga akoingkami. Ngkana tao E a tia ni kamaenakoingkami nakon aaba ake i tabon aonnaba, ao E na manga kaokingkami