Taian Areru 147:13 - Te B'aib'ara

¹³ B'a E kamatoai mataroan nonom, ao E kakab'aiaia aomata akana maeka iroum.

Taian Areru 147:13 ပူးပေါင်းရင်းမြစ်များ

Neemia 12:30

Ao a karaoi taian bootaki aika a kaokoro ibonga ma kanoan Rewi i bukin katabuaia, ao i mwiina, a manga karaoa naba ae aron arei i bukiia aomata ni kabane ao i bukin mataroan ma oon te kaawa.

Neemia 6:1

Ao a ataia Taneb'arata, Tobia, Ketem, ao ara kairiribai ake tekorakina ae I a tia ni kabanea manga karaoan te oo. Ti te b'ai ae I tuai ni karaoia bon katinetinean taiani mataroa ni mataroan taiani kawai n rin.

Neemia 7:1

Ao i mwiin banen manga karaoan te oo ao taiani mataroa ake a tinetine, ao a anganaki tib'angaia taan tei n te tembora, taan anene, ao kanoan Rewi ake te korakina.

Neemia 7:3

Ao I taku nakoia, “Kam na aki kauki taiani mataroa nakon te kaawa ni karokoa tabeua te tai i mwiin otin taai. Ao kam na kakoaua raoi b'a a bon in ma ni matoa raoi i m'aain motirawaia taan tei ni bungin taai. Kam na rineia aomata mai Ierutarem b'a a na tei n taabo aika a kakaokoro i rarikin nako te oo ao tabem'aang b'a a na tei i rarikin oin aia auti nako.”

Taian Areru 125:2

Aroni maunga ngkai a otab'aninia Ierutarem, ao ai aron naba te UEA n otab'aninia ana aomata, ngkai ao n aki toki.

Taian Areru 144:12

A bia rikirake natira m'aane b'a ai aron aroka aika rikirake ni korakora; Ao natira aine b'a ai aroni boua aika atiibu aika tamaroa taraaia, aika bouan maninganingan ana auti te uea.

Taian Areru 51:18

Te Atua, kaota am Atataiaomata nakon te kaawa ae Tion, ao buokiia; Manga katei nonon Ierutarem.

Ieremia 33:10

Ieremia, ko taku b'a e na rereua te aba aei ao akea aomata ma maan iai, ao n te tai aei, e bon eti are ko taekinna. A akea kaain kaawan Iuta ao e a rereua kawain te kaawa i Ierutarem, ao bon akea aomata ma maan n nooraki n taabo nako. Ma a na roko boong ane ko na manga ongo iai

Ieremia 33:11

b'anaan te kukurei ao karongoaan taiani bootaki ni kukurei ma taiani baka ni mare. Ao ngkana a rin n au Tembora b'a a na anga karea i bukin kakukureiau, ao ko na ongo ae e kaangai irouia: “Ti neboiko, te UEA ae Moan te M'aaka! Ko karaoa ae e raoiroi nakoira, ao e bon aki konaa ni matebuaka Am tangira.” E na manga okira arona te aba ni kariki uaa.

B'aeb'aeti 4:12

Bon akea temanna ae kakoaua b'a e kona n niniaki Ierutarem, ni moa mai roun te aomata n aki akaaka ni karokoa te uea.

Taniera 9:25

Karekea i nanon te baei, ao ataa nanona: Maanin te tai man te tai are e nako iai te kaetieti i bukin manga katean Ierutarem ni karokoa rokon ana tia kairiiri te Atua ae e rineaki, e na riai n tia ni koro itiua m'aitin itibwi te ririki. E na manga kateaki Ierutarem ma kawaina, ao nonona aika a mamatoa, ao e na tei i nanon itiua kam'aitia ma onobwi ma uoua te ririki, ma e na riki b'a tain te kabuanib'ai te tai anne.