Taian Areru 146:5 - Te B'aib'ara

⁵ E a kab'aia te aomata ae onimakina Atuan Iakob'a b'a buokana, ae e mwiokoa maiuna i nanoni bain te UEA ae Atuana,

Taian Areru 146:5 ပူးပေါင်းရင်းမြစ်များ

Karikani B'aai 50:17

ao e tuangiira b'a ti na bubutiiko, ‘Ko na kab'arai aia bure tarim n aron aia kaairua ake a tia ni karaoia nako im.’ Ti butiiko ngkai b'a ko na kab'arai ara bure ake ti a tia ni karaoi, ngaira aika ana toro Atuan tamam.” Ao e tang Ioteb'a ngke e reke i rouna te rongorongo arei.

Taian Areru 144:15

E a kab'aia te botannaomata ae a noraki baikai ni maiuna b'a a koaua; E a kab'aia te botannaomata ae Atuana te UEA.

Taian Areru 20:8

Ane a na konaaki aomata akana a onimakin aia kaanibuaka ma aia aoti, ma ti na tokanikai ngaira.

Taian Areru 33:12

E a kab'aia te botannaomata ae Atuana te UEA; A kab'aia aomata akana E rineia b'a ana b'ai.

Taian Areru 39:7

Te Uea, tera ae I kantaningaia? E mena au kaantaninga iroum.

Taian Areru 46:11

Bon raora te Atua ae Moan te M'aaka, Bon otangara Atuan Iakob'a.

Taian Areru 46:7

Bon raora te UEA ae Moan te M'aaka; Bon otangara Atuan Iakob'a.

Taian Areru 46:8

Nako mai noori ana m'akuri te UEA, Nori baika kamimii aika E karaoi i aon te aba.

Taian Areru 71:5

Te UEA ae ko tautaeka, e tiku au kaantaninga iroum; I mwioko iroum ma ngke te kairake ngai.

Taian Areru 84:12

Te UEA ae Moan te M'aaka, a kab'aia akana onimakiniko!

Taian Areru 84:8

Te UEA ae te Atua ae Moan te M'aaka, Ko na ongo au tataro; Atuan Iakob'a, Ko na ongora!

Te Otinako 3:6

Bon te Atua Ngai are I taataromauriaki irouia am bakatibu ake Aberaam, Itaaka, ao Iakob'a.” Ao e maaku Moote n taraa te Atua, ma ngaia are, e karabaa matana.

Taeka n Rabakau 16:20

Ngkana kam ataa te b'ai ae kam karaoia, e na mari maium. E kakab'aiaia aomata nako te Atua aika a onimakinna

Te Tua-Kaua 33:29

E a tia ni kamaiungkami te UEA ao ma n anganingkami taiani kakab'aia ae m'aiti riki nakon kakab'aiakiia botannaomata tabeua. Kaanga ai aron te otanga Ngaia ngkana E kamanoingkami ao bon ami kabaang ae mimitong Ngaia. A na bobaraaki ami kairiribai ma te maaku, ao ane kam na toubekai nuukaia.

1.Betero 1:21

ngkami akana kam onimakina te Atua i rouna, ae E a manga kamaiua mai buakoia maate, ao E anganna te neboaki; b'a a aonga n tiku ami onimaki ma ami kaantaninga iroun te Atua.