Taian Areru 145:6 - Te B'aib'ara

⁶ A na taekin taekan am m'akuri aika korakora, ao ngai N na kaota kakannatom.

Taian Areru 145:6 ပူးပေါင်းရင်းမြစ်များ

1.Rongorongo 29:11

E korakora m'aakam, ao e noraki mimitongim n taabo ni kabane i karawa ao i aonaaba,

Etira 1:2

Bon uean Botia ngai ae Tairati. E a tia te UEA ae Atuan karawa, are bon Atuaia naba Iteraera ni karikai b'a N na tautaeka i aon taiani botannaomata ni kabane n te aonnaba. Ao e a tia n rineai b'a N na manga karaoa te Tembora i bukina i Ierutarem, are i Iuta.

Taian Areru 113:3

Kam na neboa aran te UEA man otin taai ni karokoa bungina!

Taian Areru 22:27

A na bane botannaomata nako i aonnaba n ururinga te UEA; A na bane botannaomata n rairaki nakoina n taromauria.

Taian Areru 22:31

Ane a na tuangaki aomata akana tuai bungiaki taekan ana kamaiu te UEA, “B'a E a tia ni karaoia.”

Taian Areru 66:3

Kam na kaangai nakon te Atua, “Ai kamimiira am M'akuri aika Ko karaoi! E korakora M'aakam, ma ngaia ae a bobaraaki aiam i m'aim b'a a makuko.

Ieremia 50:28

A urua au Tembora ana taanga ni buaka B'aburon, ma N na irantaanga n te tai ae e aki maan. Ao i mwiina, a na taetaekinna i Tion taan rawei maiuia mai B'aburon.

Ab'akuka 2:14

Ao e na onrake te aonnaba n ataakin mimitongin te UEA n ai aron taari ae e kaona marawa.

Te Tua-Kaua 32:3

Kam na kaai n neboa aran te UEA ae Atuami ae kamimii ma ngai.