Taian Areru 145:4 - Te B'aib'ara

⁴ A na kamoamoa am m'akuri rooro nako; a na tataekin am m'akuri aika korakora.

Taian Areru 145:4 ပူးပေါင်းရင်းမြစ်များ

Etita 9:28

E baaireaki b'a a riai n uringa te bong aei utu nako irouia I-Iutaia i nanon roro aika a na roko n taian burawinti nako, ao ni kaawa nako, ao ni ururinga ma ni kaawakina bongin te Burim ni boong aika a na roko.

Iobi 8:10

Ma ngaia are, reireiniko i rouia aomata ake ngkoa, ao kakauongo nakon te b'ai ae a kataia n taekinna.

Taian Areru 71:18

Te Atua, tai kaaki taekau ngkai I a kara ao e a iaia iran atuu! Ko na raonai n au tai n tataekin am M'akuri ake ab'ab'aki ma ni kamimii nakoia roroo nako aika na roko.

Itaia 38:19

Bon ti aomata aika a konaa ni karab'ako, n aron ae I karaoia n te bong aei. Rooro nako a na kaongoia te roro ake i mwiia aron am kakaonimaki.

Te Tua-Kaua 4:10

Kam uringa te tai are kam tei iai i matan te UEA n te Maunga are Tinai? Ao E taku te UEA, Kairiia mai Iteraera nako ikai. I tangiria n taetae nakoia b'a a aonga n ongotaeka nako Iu i nanon aia tai ni maiu, ao a na manga reireiniia aia ataei b'a a na ongotaeka naba i Rou.

Te Tua-Kaua 6:7

ao tuangiia ami ataei n taai nako. Taetaekinna n taai nako, ni mwengami ke i aon te kawai ke i aoni kiemi n te tairiki, ke ngkana kam uti n te ingabong.